Nagsimula na ang mga Aktibidad sa Linggo ng ‘Dakilang Propeta’ sa Unibersidad ng Mosul
IQNA – Ang mga aktibidad ng Linggong Pangkultura ng Dakilang Propeta (PBUH) ay nagsimula sa Unibersidad ng Mosul sa Iraq.
Ang Kagawaran ng Intelektwal at Pangkulturang mga Gawain ng Astan (pangangalaga) ng banal na dambana ni Hazrat Abbas (s.k.k.) ang nag-oorganisa ng pangkultura na kaganapan sa okasyon ng kaarawan ng Banal na Propeta (SKNK), ayon ng Al-Kafeel.
Ang Fakultad ng Makataong Sining ng Unibersidad ng Mosul ay nakikipagtulungan sa pagdaraos ng mga programa.
Sinabi ni Sheikh Adel al-Wakeel, pangalawang pinuno ng Kagawaran ng mga Gawaing Pangrelihiyon ng Astan, na ang pagdaraos ng mga kaganapang ito ay naaayon sa mga pagsisikap ng Astan na buhayin muli ang mga okasyong pangrelihiyon sa pamamagitan ng mga angkop na programang pang-agham at pangkultura.
Kabilang sa kaganapan ngayong taon ang pagtatanghal ng siyentipikong pananaliksik na tumatalakay sa iba't ibang mga aspeto ng personalidad ng Banal na Propeta (SKNK), sabi niya.
Dagdag pa niya, nagpasya ang Astan na ipagdiwang ang kaarawan ng Propeta sa pamamagitan ng siyentipikong pananaliksik at pag-aaral ng buhay ng minamahal na Propeta ng Islam, lalo na't kailangan nilang makakuha ng inspirasyon mula sa mga moral na pagpapahalagang ipinakita ng Propeta (SKNK), katulad ng awa, sangkatauhan, katapatan, katarungan, atbp.
Ipinaliwanag ni Al-Wakeel na ang mga lipunan ay lubhang nangangailangan ng pagbabalik-tanaw sa buhay ng Propeta (SKNK) at pagsunod sa kanyang moral na pamamaraan, dahil ang kanyang personalidad ay isang huwaran ng tao batay sa awa at marangal na mga pagpapahalaga.
Binanggit ng opisyal na ang Linggo ng Dakilang Propeta (SKNK) ay isinasagawa sa gitna ng ilang mga unibersidad sa Iraq sa pamamagitan ng pagdaraos ng mga kaganapang pang-agham at paglalahad ng mga pananaliksik at mga ambag na tumutulong sa pagpapakilala sa buhay ng Propeta (SKNK).
Sinabi rin ni Mudar Haider Mahmoud, dekano ng Fakultad ng mga Agham ng Quran at Pag-aaral na Islamiko sa Unibersidad ng Mosul, kaugnay nito na ang mga programa sa linggong ito ay naiiba sa mga tradisyonal na pagdiriwang ngayong taon.
Sabi niya, ito ay bunga ng umiiral na kooperasyon sa pagitan ng Fakultad nga Makataong Sining at ng Astan ni Hazrat Abbas (AS).
