Binigyang-pugay sa Qatar ang mga Nanalo sa Paligsahan sa Quran para sa mga Ulila
IQNA - Binigyang-pugay sa isang seremonya sa Qatar ang mga nagwagi sa unang edisyon ng pandaigdigang sangay para sa mga ulila na "Rofaqa"—isang espesyal na kategorya ng Paligsahan sa Banal na Quran ng Sheikh Jassim bin Mohammed bin Thani.
Ginawaran ng Kagawaran ng Kaloob at Islamikong mga Gawain (Awqaf) ng bansa, katuwang ang Kawanggawa ng Qatar, ang mga nanalo sa paligsahan.
Nakakuha ng malawakang pakikilahok mula sa iba't ibang mga panig ng mundo ang kauna-unahang edisyon nito, na kinatampukan ng 389 na mga kalahok na mga batang ulila at may mga isponsor, na nasa edad 12 hanggang 20. Mula sa bilang na ito, 278 na mga kalahok na kumakatawan sa 20 na mga bansa ang nakausad sa mga ikot na panimula, na humantong sa pagtatagisan ng 30 na mga panghuli mula sa walong mga bansa sa Doha sa ilalim ng tatlong pangunahing mga kategorya.
Sa seremonya ng koronasyon, binanggit ng Pinuno ng Komite sa Pag-oorganisa na si Jassim Abdullah Al Ali na ang "Rofaqa" ay natatanging pinagdudugtong ang serbisyong Quraniko sa komprehensibong pangangalagang makatao, na nagpapalusog sa ugali ng mga ulila at mga talento sa Quraniko.
Iginiwad ang mga premyo at pangunahing karangalan sa tatlong mga kategorya, simula sa dibisyon ng pagsasaulo ng buong Quran kung saan nakuha ni Abdulgani Abdulqadir Sheikh ang unang puwesto at premyong QAR 15,000; sinundan siya ng kanyang mga kababayan na sina Abdulrahman Qasim Mohammed sa ikalawang puwesto (QAR 12,000) at Abdulrahman Ahmed Mahmoud sa ikatlong puwesto (QAR 10,000). Silang lahat ay nagmula sa Somalia.
Sa kategorya ng pagsasaulo ng 20 na mga bahagi, nakuha ni Mohammed Qamaruzzaman mula sa Bangladesh ang unang puwesto at ang premyong QAR 10,000; nakuha ni Humam Mamoun Ziadeh mula sa Syria ang ikalawang puwesto na may QAR 8,000; at nagtapos naman sa ikatlong puwesto si Mohamadi Gumtebo Nana mula sa Burkina Faso na may QAR 7,000.
Sa kategoryang pagsasaulo ng 10 na mga bahagi, nagwagi ng unang puwesto si Mohammed Tafsir Amad Jalo mula sa Gambia at nakatanggap ng QAR 7,000; sinundan siya ni Najm Al-Thaqib Chowdhury sa ikalawang puwesto na may QAR 5,000 at ni Rehad Islam Mohammed Zahir sa ikatlong puwesto na may QAR 3,000, na parehong kumakatawan sa Bangladesh.
Ang inisyatibong ito ay nakaayon sa estratehikong mga layunin ng Kagawaran ng Awqaf na itanim ang mga pagpapahalagang Islamiko at isulong ang pangmatagalang epekto sa komunidad.
