طالبانو د افغانستان په شمال کې د داعش د بشپړې مونډ ایستنې ادعا وکړه

نړیواله :افغان طالبان وايي چې په جوزجان ولایت کې يې د داعشي وسلوالو جرړه له بیخه ایستلې او په دې توګه یې د هیواد ټول شمالي ولایتونه د یادې پدیدې له شره وژغورل.

د ایکنا راپور له مخې، د پارس ټوډۍ نه په نقل،د طالب ډلې ویاند ذبیح ا... مجاهد ویلي چې د داعشي وسلوالو پر خلاف عملیاتو یې ۲۴ ورځې وخت ونیو او تېره ورځ په داسې حال کې پای ته ورسیدل چې ۹۲ داعشي وسلوال یې وژلي، ۵۱ ټپیان کړي او ۱۲۸ تنه ژوندي نیولي.
مجاهد مدعي شو چې یاد عملیات یې په خورا احتیاط پرمخ وړل، ځکه چې «امریکايي نیواکګرو له داعشیانو څخه وخت په وخت دفاع کوله» او طالبانو د هوايي حملو سربېره پرمختګ ته دوام ورکاوه.
اعلامیه زیاتوي چې د داعش د بیخکنۍ دغه عملیات یې د جوزجان، سرپل او فاریاب ولایتونو له استقامت څخه د خپلې نظامي قطعې په مټ ترسره کړي او په پایله کې يې د قوشتیبې او درزاب ولسوالۍ ټولې سیمې په بشپړ ډول تصفیه کړي دي.
ښاغلي مجاهد دغه عملیات ولس ته د خوښۍ زیری بللی او په نورو سیمو کې د داعش وسلوالو ته د عبرت اخیستنې خبرداری ورکړی.
طالبانو په دې عملیاتو کې د خپلو ۱۷ تنو د وژل کیدو او ۱۳ ټپیانو پخلی کړی.
خو تر اوسه د افغانستان حکومت او بهرنیو ځواکونو د داعش د دغې ماتې په اړه څرګندونې نه دي کړي.
http://parstoday.com/ps/news/afghanistan-i75224

طالبانو د افغانستان په شمال کې د داعش د بشپړې مونډ ایستنې ادعا وکړه
نړیواله :افغان طالبان وايي چې په جوزجان ولایت کې يې د داعشي وسلوالو جرړه له بیخه ایستلې او په دې توګه یې د هیواد ټول شمالي ولایتونه د یادې پدیدې له شره وژغورل.
د ایکنا راپور له مخې، د پارس ټوډۍ نه په نقل،د طالب ډلې ویاند ذبیح ا... مجاهد ویلي چې د داعشي وسلوالو پر خلاف عملیاتو یې ۲۴ ورځې وخت ونیو او تېره ورځ په داسې حال کې پای ته ورسیدل چې ۹۲ داعشي وسلوال یې وژلي، ۵۱ ټپیان کړي او ۱۲۸ تنه ژوندي نیولي.
مجاهد مدعي شو چې یاد عملیات یې په خورا احتیاط پرمخ وړل، ځکه چې «امریکايي نیواکګرو له داعشیانو څخه وخت په وخت دفاع کوله» او طالبانو د هوايي حملو سربېره پرمختګ ته دوام ورکاوه.
اعلامیه زیاتوي چې د داعش د بیخکنۍ دغه عملیات یې د جوزجان، سرپل او فاریاب ولایتونو له استقامت څخه د خپلې نظامي قطعې په مټ ترسره کړي او په پایله کې يې د قوشتیبې او درزاب ولسوالۍ ټولې سیمې په بشپړ ډول تصفیه کړي دي.
ښاغلي مجاهد دغه عملیات ولس ته د خوښۍ زیری بللی او په نورو سیمو کې د داعش وسلوالو ته د عبرت اخیستنې خبرداری ورکړی.
طالبانو په دې عملیاتو کې د خپلو ۱۷ تنو د وژل کیدو او ۱۳ ټپیانو پخلی کړی.
خو تر اوسه د افغانستان حکومت او بهرنیو ځواکونو د داعش د دغې ماتې په اړه څرګندونې نه دي کړي.
http://parstoday.com/ps/news/afghanistan-i75224