طالبانو په پکتیا ولایت کې یو دیني عالم وژلی
تهران (ایکنا) - طالبانو ددغه ولایت د څمکنیو ولسوالۍ اړوند نوزي خوله سیمه کې د مولوي مهاجر په نوم یو دیني عالم او د قاري عبدالعزیز په نوم یو حافظ قران وژلي دي.
د افغان رسندویو له راپور سره سم د افغانستان د پکتیا ځايي چارواکي وايي په دغه ولایت کې یو دیني عالم او یو حافظ قران وژل شوي دي.د پکتیا له رسنیز دفتره په خپره شوې خبرپاڼه کې راغلي وسله والو طالبانو ددغه ولایت د څمکنیو ولسوالۍ اړوند نوزي خوله سیمه کې د مولوي مهاجر په نوم یو دیني عالم او د قاري عبدالعزیز په نوم یو حافظ قران وژلي دي.
د سرچینې د معلوماتو له مخې طالبانو دغه کار د منبر غږ د خاموشه کولو په خاطر تر سره کړی دی.
سرچینه کاږي مولوي مهاجر یو سوله غوښتونکي انسان وو چې د پکتیا ولایت په ډنډ پټان ولسوالۍ کې یې د جامع جومات د امام په توګه دنده تر سره کوله.
د معلوماتو له مخې وژل شوي دواړه کسان د پکتیا د ډنډ پټان ولسوالۍ اصلي اوسېدونکي دي چې د کار د ترسره کولو لپاره څمکنیو ولسوالۍ ته تللي وو.
وسله والو طالبانو تر اوسه په دې هکله څه نه دي ویلي.
تهران راډیو
