بحرین ته د صهیونیسټي چارواکو سفر له ولس سره د آل خلیفه خیانت دی
ایکناخبری آژانس دپارس ټوډې له قوله راپور راکړ،د صهیونیسټ رژیم لومړی وزیر نفتالی بنټ پرون د بحرین د پاچا شیخ حمد بن عیسی په رسمي بلنې سره دغه هیواد ته سفر کړی دی .
د بحرین د الوفاق اسلامی غورځنګ په دغې اعلامیې کې وئيلی دي ،منامې ته دنفتالی بنټ سفر د بحرین د اساسی قانون د صلاحیّت د ختمیدا او د آل خلیفه رژيم دبې صلاحیّتۍ داعلان په توګه دی.
په دغې اعلامیې کې دې ته په اشارې سره چې دغه سفر دبحرین د ولس له اخلاقي چارو سره هیڅ ارتباط نه لري ، ټینګار وکړ ، د بنټ سفر دبحرین د ملت او د درستو عربو او مسلمانو ملتونو د لمسونې او د ارزښتونو او تړونونو او په درستو سرو کرښو باندې د سترګو د پټولو په معنا دی.
داپه داسې حال کې دي چې په بحرین کې له دوو ورځو راهسې د بحرین دمنامې پشمول په مختلفو ښارونو اوښارګیو کې د آل خلیفه او وحشي صهیونیسټي رژيم د جنایتونو او وروستیو اقداماتو په ضد مظاهرې او اعتراضونه دوام لري .
