Kukombolewa Bandari ya Mokha kumethibitishwa na vyombo vya habari na vyanzo vya kijeshi vinavyoungwa mkono na Saudi, ambavyo vimekiri kurudi nyuma na kupoteza mji huo wa pwani. Uthibitisho huu unajiri ikiwa ni mwendelezo wa mafanikio ya haraka ya maeneo ya eneo kwa vikosi vya Yemen, vinavyojumuisha vitengo vya Ansarullah, kando ya pwani ya magharibi.

Kulingana na shirika la habari la Reuters, mamluki wa Saudia wameripoti kuwa vikosi vya Yemen tayari vimeanza mashambulizi dhidi ya Visiwa vya Hanish vilivyopo katika Bahari ya Sham, na hivyo kuimarisha udhibiti wao juu ya njia za bahari kuelekea Lango-Bahari la Bab al-Mandab.

Kukamatwa kwa Mokha kulifuatia operesheni ya haraka sana mapema Alkhamisi, wakati wanajeshi wa Yemen waliteka maeneo mawili muhimu katika mkoa wa magharibi wa Hudaydah, ambao ni wilaya za Hays na al-Khawkhah. Gavana wa Mkoa wa Hudaydah, Abdullah Atifi, amesema kuwa askari wa jeshi la Yemen walikuwa wamewafurusha kikamilifu mamluki wanaoungwa mkono na Saudi kutoka katika wilaya hizo, na hivyo kufungua njia kwa ajili ya mashambulizi zaidi kuelekea Mokha.

Wakati huo huo, msemaji wa jeshi la Yemen, Brigedia Jenerali Yahya Saree, ametangaza kuwa vitengo vya ulinzi wa anga vya nchi hiyo vimedungua ndege ya kivita isiyo na rubani au droni aina ya Vestel Karayel inayomilikiwa na Saudia. Droni hiyo ya kivita ilishambuliwa na kuharibiwa kwa kutumia kombora la kurusha kutoka nchi kavu hadi angani wakati ikifanya “shughuli za uhasama” juu ya mkoa wa Hajjah.

Katika jaribio la kukata tamaa la kuzuia maendeleo ya vikosi vya Yemen, ndege za kivita za Saudi zilifanya mashambulizi 40 katika mikoa minne ya Yemen siku ya Alhamisi. Hata hivyo, mashambulizi hayo hayakuweza kuzuia kukombolewa mji wa Mokha.

Mvutano wa sasa ni sura ya hivi karibuni katika vita vya uharibifu vilivyoanza Machi 2015, wakati Saudi Arabia na washirika wake kadhaa walipoanzisha vita kamili vya uchokozi na kuzuia misaada dhidi ya Yemen, kwa msaada wa Marekani na nchi kadhaa za Magharibi. Licha ya maelfu ya waathirika wa Yemen, Saudia imeshindwa kufikia lengo lake kuu la kuanzisha serikali kibaraka na tegemezi.

3498976