Mafunzo ya kuhifadi Qur’ani kwa watoto yafanyika Najaf
IQNA – Mafunzo ya kuhifadhi Qur’ani Tukufu kwa watoto yamefanyika katika mji mtakatifu wa Najaf, Iraq.
Juhudi za kueneza utamaduni wa Qur’ani miongoni mwa vijana zinaendelea kupitia mipango inayowahimiza watoto kujifunza na kukariri Qur’ani Tukufu, huku wakipatiwa mazingira yanayojengwa juu ya mafundisho na maadili yake.
Taasisi ya Qur’ani Tukufu ya Najaf, inayodhaminiwa na Mfawidhi waHaram Tukufu ya Hadhrat Abbas (a.s.), iliandaa kozi ya “Bara’im Al-Qa’im”, ambayo ni programu ya kuhifadhi Qur’ani iliyoundwa mahususi kwa ajili ya watoto.
Mpango huu unalenga kulelea kizazi chenye uhusiano wa karibu na Qur’ani Tukufu kupitia ukumbusho na usomaji, huku kikihimiza watoto kutumia mafundisho yake kama mwongozo katika maisha yao ya kila siku.
Sheikh Hassan Al-Budairi, mmoja wa wakufunzi wa kozi hiyo, alieleza kuwa programu hiyo ilifanyika katika Makazi ya Al-Salam mjini Najaf, kama sehemu ya mipango endelevu ya Taasisi hiyo ya Qur’ani.
Mipango hii inalenga kukuza utamaduni wa Qur’ani, kuunga mkono wahifadhi Qur’ani (Huffaadh), na kuwapa washiriki fursa za kielimu zilizopangwa vyema ili kuongeza uelewa na uhusiano wao na Qur’ani Tukufu.
3498986
Zenye maoni mengi zaidi 