Klipu ya video ya chipukizi wa Manchester United akisoma Qur’ani Tukufu yasambaa kwa kasi mitandaoni
IQNA – Kipande cha video kinachomwonyesha mshambuliaji chipukizi mwenye mustakabali mzuri wa klabu ya Manchester United akisoma Qur’ani Tukufu kimeteka hisia na kuvutia maelfu ya watumiaji wa mitandao ya kijamii kote ulimwenguni.
Amir Ibragimov, kijana mwenye kipaji kikubwa ndani ya kikosi cha vijana cha Manchester United, ameteka nyoyo za mashabiki wengi baada ya kuonekana kwenye video hiyo akisoma Qur’ani kwa utulivu mkubwa na sauti iliyojaa hisia za dhati.
Usomaji wake wenye sauti tulivu na ikhlasi umezua gumzo kubwa mtandaoni, ukiwavutia wafuasi wengi kote duniani na kuweka wazi upande wa maisha yake ya kiroho ambao hapo awali watu wengi hawakuufahamu.
Amir Cherimovich Ibragimov ni mwanasoka mzaliwa wa Urusi anayecheza kama mshambuliaji katika akademi ya klabu ya Manchester United, na pia anaiwakilisha timu ya taifa ya Urusi.
Kijana huyu alizaliwa nchini Urusi mwaka 2008, lakini alihamia Uingereza akiwa bado mtoto mdogo na anamiliki uraia wa nchi zote mbili. Kutokana na hilo, pia amewahi kuichezea timu ya taifa ya vijana ya Uingereza tangu mwaka 2023.
Hii hapa klipu hiyo
4375559
Zenye maoni mengi zaidi 