Jumuiya ya Wafungwa wa Palestina imeeleza kuwa waandishi wa habari 37 walikamatwa kufuatia kuanza kwa mauaji ya halaiki huko Gaza mnamo Oktoba 2023.

Jumuiya hiyo imebainisha kuwa utawala wa Kizayuni unaendelea kuwalenga waandishi wa habari wa Palestina kupitia ukamataji, vifungo vya jela, kutiwa katika upweke, na mashitaka yanayohusiana na kazi zao na uhuru wao wa kutoa maoni.

Miongoni mwa waliokamatwa hivi karibuni ni waandishi wa habari Muath Ammarna na Sabri Jibrin, ambao walikamatwa siku ya Alhamisi baada ya vikosi vya utawala wa Kizayuni kuvamia nyumba zao katika mji wa Bethlehemu, kusini mwa Ukingo wa Magharibi (West Bank).

Kundi hilo limesema kuwa Ammarna amekuwa akilengwa mara kwa mara na mamlaka za Kizayuni na sasa anashikiliwa kwa mara ya tatu kutokana na kazi yake ya uandishi.

Pia ilitaja kesi ya mwandishi wa habari na mwandishi, Mahmoud Fatafta, ambaye alihukumiwa kifungo cha miezi 48 jela kwa kile ambacho utawala wa Kizayuni unakiita “uchochezi”—moja ya hukumu kali zaidi kuwahi kutolewa katika kesi za aina hiyo, kulingana na taarifa hiyo.

Jumuiya hiyo imesema mamlaka za Kizayuni zinatumia mara nyingi zaidi mashitaka ya “uchochezi” dhidi ya waandishi wa habari, sambamba na kizuizi cha utawala kinachotegemea kile ambacho mamlaka hizo zinakiita “faili za siri.”

Waandishi wa habari 19 kutoka Ukingo wa Magharibi unaokaliwa kwa mabavu, wakiwemo wale wa Al-Quds Mashariki, kwa sasa wanashikiliwa chini ya kizuizi cha utawala, idadi ambayo ni asilimia 51 ya waandishi wote wanaoshikiliwa, iliongeza taarifa hiyo.

Kundi hilo pia liliangazia kesi ya mwandishi wa habari Bushra al-Tawil (33), ambaye alihamishwa kutoka Jela ya Damon iliyoko kaskazini mwa ardhi za Palestina zinazokaliwa kwa mabavu kwenda katika gereza la upweke katika Jela ya Ramla, katikati mwa maeneo hayo.

Ilisema mamlaka za Kizayuni zinaimarisha hatua za kuwatenga na nyingine za kuzuia dhidi ya wafungwa wa kike wa Palestina, pamoja na njaa, kunyimwa matibabu, na mazingira mabovu ya usafi.

Jumuiya hiyo ilisema waandishi wa habari wanaoshikiliwa wanakabiliwa na hali sawa na wafungwa wengine wa Palestina, ikiwa ni pamoja na njaa, kutelekezwa kitabibu, kuteswa, kunyanyaswa, kufungwa pekee, na kunyimwa haki za msingi.

Waandishi wa habari pia wanalengwa kupitia mauaji, kutoweka kwa nguvu, na mashambulio ya moja kwa moja wakati wakitekeleza majukumu yao, iliongeza, ikielezea hatua hizi kama sehemu ya sera ya kimfumo inayolenga kuzuia uandishi na uwekaji kumbukumbu wa Palestina kuhusu uhalifu na ukiukaji unaofanywa na utawala wa Kizayuni.

3499018