IQNA

19:17 - November 03, 2026
Habari ID: 3482992

Mahufadhi 100 wa Qur’ani Watunukiwa katika Eneo la Kurdistan nchini Iraq

IQNA – Hafla maalum imefanyika katika mji wa Sulaymaniyah, katika eneo la Kurdistan nchini Iraq, kwa ajili ya kuwaenzi na kuwapongeza watu waliofanikiwa kuhifadhi Qur’ani nzima.

kurdistan

Shirika la Sayansi za Qur’ani la Iqra liliandaa sherehe yake ya pili ya Qur’ani mjini Sulaymaniyah katika mazingira yaliyosheheni hali ya kiroho, fahari, na shukurani kwa wale wote walioweka wakfu maisha yao kwa ajili ya Qur’ani, umeripoti mtandao wa IUMSonline.

Wakati wa hafla hiyo, watu 100 waliohifadhi Qur’ani nzima walitunukiwa—hatua inayotambua juhudi zao zilizobarikiwa za kuhifadhi na inayotumika kama motisha kwao ya kuendelea na safari yao ya kulitumikia Kitabu hicho kitukufu na mafundisho yake.

Sherehe hiyo ilijumuisha vipindi mbalimbali vilivyoakisi hadhi na nafasi ya juu ambayo Qur’ani inayo katika nyoyo za waliohudhuria.

Tukio hilo lilikazia thamani kuu ya kuwa na uhusiano wa dhati na Kitabu cha Mwenyezi Mungu, umuhimu wa kuendeleza utamaduni wa kuhifadhi na kutafakari, na ulazima wa kueneza maadili ya Qur’ani katika jamii nzima.

Aidha, hafla hiyo iliangazia nafasi muhimu inayotekelezwa na taasisi za Qur’ani katika kulea vipaji na kuhimiza vizazi vipya kujenga uhusiano wa karibu na Kitabu cha Mwenyezi Mungu, kupitia kuhifadhi, kuelewa, na kutumia kivitendo mafundisho yake.

Sherehe hiyo ya Qur’ani ya Sulaymaniyah ilisisitiza ulazima wa kuendeleza mipango inayolenga kujenga utamaduni wa Qur’ani, kuwaenzi wale wote wanaofanya kazi kwa bidii katika uwanja wa Qur’ani, na kuhamasisha vijana wa kiume na wa kike kufuata njia inayozingatia Qur’ani.

Tukio hili lilionyesha wazi malengo ya shirika la Iqra, taasisi ya elimu ya Kiislamu yenye makao yake mjini Sulaymaniyah, ya kuunga mkono mafunzo ya Qur’ani na kueneza dhana na mafundisho yake ndani ya jamii.

3499642

captcha