توبہ استغفارکے بغیر کرونا سے نجات ممکن نہیں۔مفتی تقی عثمانی
ممتازعالم دین مفتی تقی عثمانی کا کہنا ہے کہ کورونا کے معاملے پر احتیاطی تدابیر نہ اختیار کی گئیں تو زیادہ لوگ متاثر ہوسکتے ہیں، توبہ استغفار کے بغیر کرونا سے چھٹکارا ممکن نہیں،ہمیں اپنے گناہوں پر معافی مانگنے کی ضرورت ہے۔
گورنر ہائوس سندھ میں علماءکرام نے کورونا وائرس کے حوالے سے پریس کانفرنس کی جس میں مفتی تقی عثمانی، مفتی منیب الرحمن اور علامہ شہنشاہ نقوی سمیت دیگرشریک ہوئے۔
مفتی تقی عثمانی کا کہنا تھا کہ پوری دنیا میں کرونا وائرس نے تباہی مچا دی ہے،توبہ استغفارکے بغیر کرونا سے چھٹکارا ممکن نہیں،ہمیں اپنے گناہوں پر معافی مانگنے کی ضرورت ہے، وبا اللہ کی طرف سے آتی ہے اور اسی کے حکم پر یہ ختم ہوگی۔
انہوں نے کہا کہ احتیاطی تدابیر اختیار کرنا سنت ہے، حفاظت نہ کی گئی تو وبا سے زیادہ لوگ متاثر ہوسکتے ہیں ، اللہ تعالیٰ کی طرف رجوع کریں گے تو وباﺅں سے نجات پائیں گے۔
