İQNA-nın (Beynəlxalq Quran Xəbər Agentliyi) verdiyi xəbərə görə, Məscidul-Həramin kitablar və müshəflər idarəsinin Mədinə və Məkkə hərəmlərindəki nümayəndəliyi görmə qüsuru olan zəvvarların ziyarətlərinin daha səmərəli olması üçün 40 nüsxə brayl əlifbası ilə yazılmış Quran nüsxəsi paylayıb.
Məscidul-Həramin kitablar və müshəflər idarəsinin rəisi Şeyx Xalid ibn Məhəmməd əl-Harisi bu barədə deyib: Bu idarə Qurani-Kərimin təfsir və tərcümə kitablarının hazırlanması və zəvvarların ixtiyarında qoyulması məsələsinə xüsusi diqqət ayırır. Buna görə də Qurani-Kərimin müxtəlif çap ölçülərində olan müxtəlif tərcümə və təfsirlərini hazırlayaraq zəvvarların istifadəsi üçün Məscidul-Həramın kitab qəfəsələrində yerləşdirir.
Şeyx Xalid ibn Məhəmməd əl-Harisi əlavə edib: Məkkə və Mədinə müqəddəs hərəmlərinin idarə işləri rəisliyi zəvvarala daha yaxşı xidmət istiqamətində brayl əlifbası ilə yazılmış qırx yeni Quran nüsxəsi alaraq Məscidul-Həramda paylamışdır.