Бонуи нухбаи эронӣ ҷоизаи кунгираи ҷаҳони Ислом дар Малайзияро касб кард
Ба гузориши сафорати Ҷумҳурии Исломии Эрон дар Куала-Лумпур, маросими эҳдои ҷоизаи Рания 2024 рӯзи ҷумъа, 4 исфанд дар ин шаҳр бо ҳузури ҳамсари нахуствазири Малайзия, вазири умури занон, хонавода ва умури иҷтимоӣ Малайзия, муовинини вазорати фарҳанг ва гардишгарии Малайзия, дипломатҳои хориҷии муқими Малайзия ва чандин меҳмон аз кишварҳои исломӣ баргузор шуд.
Дар ин маросим ба 14 нафар аз бонувони баргузидаи ҷаҳони Ислом ҷоизаи Рания тавассути ҳамсари нахуствазири Малайзия эҳдо шуд.
Дурахшиши бонуи нухбаи эронӣ дар Малайзия
Хонуми Ван Азиза, ҳамсари нахуствазири Малайзия дар суханронии худ зимни табрик ба барандагони ҷоиза, бар нақши калидии занон дар тақвияти бунён ва иқтисоди хонавода таъкид кард ва бархе аз барномаҳои давлати кишвараш барои корофаринии бештари занон дар Малайзияро баршумурд.
Вай гуфт: баргузории ин кунгира паёми равшане дар бораи вазъияти ҳақиқии занон дар ҷаҳони исломро барои ҷаҳониён ирсол мекунад.
Илова бар доктор Тоҷободӣ, 13 бонуи дигар аз кишварҳои Нигерия, Сенегал, Баҳрайн, Имороти Муттаҳидаи Арабӣ, Сингапур ва Малайзия (ҳашт нафар) ин ҷоизаро дарёфт карданд.
Тамоми барандагон дар кишварҳои худ ҷузъи фаъолин иқтисодии муваффақ ва корофарин ҳастанд.
Ин кунгира солона баргузор мешавад. Иҷлоси қаблӣ дар соли 2019 баргузор шуда буд.
Доктор Марями Тоҷободӣ устоди донишгоҳ, мудири ширкати «Так Жен» ва муовини комиссияи иқтисоди саломати утоқи бозаргонии Теҳрон аст.
