Дархости судури муҷаввизи эътикоф дар Масҷидулақсо аз оғози моҳи мубораки Рамазон
Ба гузориши пойгоҳи хабарии Урдун 24, Ноил Фариҳот, намояндаи парлумони Урдун дар дидор бо вазири Авқоф ва умури исломӣ [ба унвони мутаваллии маҷмӯаи Масҷидулақсо] хост бо таваҷҷуҳ ба шароити ҳассоси кунунӣ дар Фаластин ба вижа вазъияти парилтиҳоби ин рӯзҳои Ғазза, намозгузорони фаластинӣ муҷаввизи эътикоф дар Масҷидулақсоро аз оғози моҳи мубораки рамазон дошта бошанд.
Вай бо ишора ба инки солҳои гузашта фақат иқомаи эътикофи рамазон маҳдуд ба 10 шаби поёнии моҳи муборак будааст дар посух ба саволи вазири Авқофи Урдун дар бораи иллати ин дархост гуфт: соли гузашта танҳо муҷаввизи 10 рӯзаи барои эътикофи фаластиниён дар Масҷидулақсо содир шуд, ки ин масъала, мушкилоти зиёдеро байни намозгузорон ва неруҳои низомии саҳюнистӣ бавуҷуд овард.
Вай бо ишора ба инки авзои имсоли Фаластин бо солҳои гузашта бисёр мутафовит аст тасреҳ кард: хатари воқеӣ Масҷидулақсоро таҳдид мекунад ва баргузории эътикофи Фаластиниён аз оғози моҳи мубораки Рамазон дар воқеъ дар ростои ҳимоят аз Масҷидулақсо аз юришҳои вақт ва бевақти тундравҳои яҳудӣ ба ин макони исломӣ аст ба вижа инки маросими яҳудӣ низ дар Масҷидулақсо иқома хоҳад шуд.
Ноил Фариҳот дар идома ба эътикофи намозгузорон дар Масҷидуннабӣ ва Масҷидулҳаром, ки аз оғози моҳи рӯзадорӣ ва ибодат дар ин ду макон барпо мешавад ишора ва тасреҳ кард: имсол бо солҳои гузашта бисёр мутафовит аст чаро ки пас аз амалиёти Тӯфони Ал-Ақсо шоҳиди чолишҳои зиёде будем ва аз сӯи дигар иқдомоти таҳрикомези Бин Ғуфайр, узви тундрави Кнессети саҳюнист ва ҷиноҳи рости тундравҳои яҳудӣ дар эҷоди маҳдудият барои эътикоф ва вуруди намозгузорони фаластинӣ ба Масҷидулақсо эҷоб мекунад, ки вазири Авқоф ва умури исломии Урдун имсол тадобири вижа ва ҷиддитареро нисбат ба солҳои гузашта иттихоз кунад.
Дар ҳамин росто, Исмоил Ҳания, раиси дафтари сиёсии Ҳамос 9 исфанд бо судури баёнияе миллати Фаластинро ба эътикоф аз рӯзи аввали моҳи мубораки Рамазон дар Масҷидулақсо ва шикастани муҳосираи таҳмилии он тавассутии Исроил даъват карда буд.
Вай гуфта буд: мо аз мардуми худ дар Байтулмуқаддас мехоҳем дар рӯзи аввали моҳи мубораки Рамазон ба Масҷидулақсо азимат кунанд, зеро муҳосираи Масҷидулақсо ва муҳосираи Ғазза, яке аст.
