Паёми раҳбари олии Инқилоби Эрон ба донишҷӯёни амрикоӣ бисёр таъсиргузор аст
Ба гузории манобеи хабарӣ, Хайём Аз-Заъбӣ, нависанда ва таҳлилгари масоили сиёсӣ бо ишора ба номаи ахири ҳазрати Оятуллоҳ Хоманаӣ раҳбари олии Инқилоби Эрон ба ҷавонон ва донишҷӯёни донишгоҳҳои Амрико навишт, ки ҳазрати Оятуллоҳ Хоманаӣ дар ин нома, ҳамбастагии Ҷумҳурии Исломии Эрон бо ин донишҷӯёнро дар баробари саркӯби полиси Амрико иброз доштанд.
Ин таҳлилгар аз номаи раҳбари олии Инқилоби Эрон ба унвони номаи кӯтоҳ ва дар айни ҳол бисёр таъсиргузор ном бурд.
Вай тасреҳ кард: пас аз инки кишварҳои аврупоӣ барои даҳаҳои тӯлонӣ ҳомии саҳюнистҳо буданд, иқдомотии Исроил алайҳи миллати Фаластин сабаби уфули ин ҳимоят шудааст ва бисёре аз шаҳрвандони аврупоӣ ҳомии Фаластин шудаанд. Бисёре аз фаъолони аврупоӣ замони худро барои расво кардани ҷиноёти Исроил алайҳи миллати Фаластин сипарӣ мекунанд. Ин иқдомот сабаби навъе огоҳибахшӣ дар қиболи ранҷҳои миллати Фаластин шудааст.
Ин таҳлилгари масоили сиёсӣ афзуд: дар ҳоли ҳозир таҳаввулот бо шитоби зиёде дар Амрико ба пеш меравад ва мувозина маъкус шудааст ба тавре, ки донишгоҳҳои Амрико, Канада, Англис, Фаронса ва Нидерланд шоҳиди эътирозоти зидди ҷанги Ғазза аст. Онҳо хостори таваққуфи ҳамкорӣ бо донишгоҳҳои режими Исроил, таҳрими ширкатҳои ҳомии таслиҳоти Телавив ва таваққуфи сармоягузории ширкатҳои ҳомии ҷанг ҳастанд.
Ин таҳлилгари сурӣ дар идома ба номаҳо ва паёмҳои раҳбари олии Инқилоби Эрон дар бораи Фаластин ишора кард, ки дар он оддисозии равобит бо режими саҳюнистиро хиёнат донистанд ва бар аҳамияти ҳаққи Фаластиниён таъкид карданд, ки машмули гузари замон намешавад.
Вай дар поён дар бораи мӯҳтавои номаи раҳбари олии Инқилоби Эрон ба ҷавонон ва донишҷӯёни донишгоҳҳои Амрико навишт: ин нома оканда аз эҳсоси муҳаббат ва вафодорӣ ба ҷонфишониҳои бузурге аст, ки Фаластиниён дар роҳи озодии сарзамини худ аз чанги ишғолгарон нисор кардаанд. Ин нома дар бораи тавони Фаластиниён дар бораи муқобила бо чолишҳо ва пушти саргузоштани сахтиҳо ва душвориҳо аст. Миллати Фаластин тавони муқобила бо тарҳҳо ва тавтеаҳои исроили ғарбӣ ва ба шикасти кашондани онро бо ваҳдати дохилӣ ва бо ирода ва муқовамати худ дорад; Муқовимате, ки ҳеҷ қудрате тавон дарҳам шикастани онро надорад.
