Орои имом Хумайнӣ (рҳ) мабнои фаъолият ва пирӯзии меҳвари муқовимат аст
Шайх Саид Холид Қосим, раиси ҳайати исломии Фаластин дар Лубнон ва асири озод шуда аз банд режим саҳюнистӣ дар гуфтугӯ бо ИКНА бо таъкид бар лузуми тадовуми муқовимат дар баробари ҷиноятҳои режими саҳюнистӣ, орои имом Хумайнӣ дар қиболи масъалаи Фаластинро мабнои фаъолият ва пирӯзии меҳвари муқовимат тавсиф кард.
Шайх Саид Холид Қосим дар посух ба ин савол, ки шумо ба унвони касе, ки солҳо дар зиндонҳои режими саҳюнистӣ будаед ва шоҳиди ишғоли ҷануби Лубнон ва хурӯҷи режими саҳюнистӣ аз ин манотиқ ва шикасти онҳо аз муқовимати Лубнон будаед, имрӯз муқовимати мардуми Фаластин ва сарнавишти ормони Фаластин дар партави ҳамлаи ҷинояткоронаи режими саҳюнистӣ ба Навори Ғазза ва ҷиноятҳои бешумор дар ҳаққи миллати Фаластин ба вижа занон, кӯдакон ва солхурдагонро чигуна арзёбӣ мекунед, гуфт: он чи дар Навори Ғазза акнун дар ҷараён аст, сиришт ва табъияти ҷинояткоронаи саҳюнистҳоро нишон медиҳад, ки имрӯз дигар бар касе пинҳон нест ва ин табиатро бояд душманӣ бо Ислом ва мусулмонон ва ҳамчунин мардуми Фаластин ба унвони монее барои таҳаққуқи аҳдофи истеъмории онҳо донист.
Вай афзуд: ин ҷиноятҳо нишон аз душмании ошкори онҳо бо башарият аст то пеш аз ин, душманӣ, ғайри ошкор буда ва имрӯз ин душмании ошкор аст. Мо набояд аз ин ҷиноятҳо тааҷҷуб кунем чаро, ки саҳюнистҳо аз ибтидо ин кина ва душмани нисбат ба мусулмонон ва мардуми Фаластин ва ҳамчунин Ислом ва Қуръонро доштаанд. Чун ба дурустӣ дарёфтаанд, ки муҳиммтарин монеъи онҳо барои таҳаққуқи ишғолгарӣ будааст.
Раиси созмони исломии Фаластин дар Лубнон дар бораи мавзеъи Эрон дар қиболи масъалаи Фаластин, ки мубтанӣ бар орои имом Хумайнӣ (рҳ) ва муқовимат дар баробари саҳюнистҳо ва мустакбирон аст, таъкид кард: Эрони имрӯз сутуни устувори меҳвари муқовимат аст, ки омили асосӣ ва сутуни аслии низомӣ, молӣ ва сиёсӣ дар муқобила бо режими саҳюнистӣ ва қувои истикбори пуштибонии ин режим аст. Эрон ҳамчунин пуштибон ва раҳбари ин меҳвар аст ва ин умур бар мабнои ҳамон усули сурат гирифта, ки имом Хумайнӣ (рҳ) ва инқилоби онро бунён ниҳод.
Шайх Саид Холид Қосим меҳвари муқовимат ва фаъолияти кунунии онро бояд намунаи зинда ва ҳақиқӣ аз мавозеи имом Хумайнӣ (рҳ) донист ва гуфт: мо дар тамоми ин солҳо дидем, ки чигуна пешбинии имоми роҳил ва таҳлили ӯ аз умури муртабит бо масъала ва ормони Фаластин ва лузуми иттиҳоди мусулмонони ҷаҳон барои муқобила бо ин режим ва таҳаққуқи ормони озодсозии Қудс дуруст ва дақиқ будааст, имрӯз ин масъала бештар аз ҳар замони дигаре ошкор шуда, ки бояд ин роҳро идома дод ва аз душвории он наҳросид.
Ин олими фаластинӣ баён кард: акнун нисбат ба авоили Инқилоби Эрон фурсат ва имконоти меҳвари муқовимат барои дифоъ аз ормони Ислом ва Фаластин бисёр бештар аст, агар чи наметавон инкор кард, ки дар ин роҳ мушкилоте низ вуҷуд дорад, аммо таъкиди имом Хумайнӣ ба вижа таъкиди ишон бар ваҳдати калима ва лузуми ваҳдати тамоми мусалламин барои ҳалли масъалаи Фаластин дар ин масир роҳгушо хоҳад буд.
Шайх Саид Холид Қосим дар бораи ҳодисаи талхи суқути болгарди раисҷумҳур ва вазири хориҷаи фақиди Эрон ва таъсири он бар меҳвари муқовимат гуфт: бо вуҷуди онки ин ҳодиса бисёр талх буд ва миллати Фаластин ва меҳвари муқовимат чеҳраҳое бузург ва арзишмандро аз даст дод, аммо шуҳадо нур ва рӯшноии ин масир ҳастанд чаро, ки роҳи саодат ва пирӯзии роҳи пурпечухам ва торик ва душвор аст ва ин шуҳадо ҳастанд, ки бо нури худ ин масирро равшан месозанд ва машъалҳои пур нур ҳастанд, ки роҳи мардумро дар ин масир равшан месозанд.
Шайх Қосим идома дод: ин шуҳадо намунаи исор дар роҳи уммати исломӣ ва масири саодат ҳастанд ва аммо ин дар қиболи миллат ва уммати Ислом аст, аммо дар соҳати шахсӣ, шаҳодат дар воқеъ саодати шуҳадо аст ва Худованди Мутаол дар Қуръони Карим [сураи муборакаи Оли Имрон/ 169] таъкид кардааст: وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ: Ва ҳаргиз гумон мабар онон, ки дар роҳи Худо кушта шуданд мурдаанд, балки зиндаанд ва назди Парвардгорашон рӯзӣ дода мешаванд. Муфассирон дар тафсири ин оят гуфтаанд, ки ин шуҳадо дар осмон зинда ва дар биҳишт шоҳиди аъмоли мо ҳастанд. Аммо дар соҳати иҷтимоӣ ва муборизаи онҳо бо шаҳодати худи уммати исломиро ёрӣ карда ва роҳро барои пирӯзии Ислом гушӯдаанд.
Ин озодаи қаҳрамон, ки аз соли 1970 то 1985-ро дар зиндонҳои режими саҳюнистӣ гузаронда, ба гуфтаи худ 13 сол аз ин айёми зиндонро ба тиловат, мутолиа ва тадаббур дар Қуръон гузарондааст.
Вай дар поён дар бораи аҳамияти фаъолиятҳои қуръонӣ дар канори мубориза ва муқовимат гуфт: ҳар фаъолияти қуръонӣ фаъолити муборак аст, ки дар он риё роҳе надорад ва нишонаи сидқ ва ширинии имон аст. Мусулмонон бояд Қуръонро усвае дар фаъолитҳои худ қарор диҳанд ва бо амали қуръонии худ дигаронро низ бо паёми Қуръон ошно созанд ва ингуна бояд фарҳанг ва огоҳии қуръониро густариш дод.
