Чопи Қуръонҳои Брайл дар Истамбул барои кумак ба ҳифзи Қуръони Карим
Ба гузориши манобеи хабарӣ, хатти Брайл яке системи навиштан ва хондан барои нобиноён аст, ки бар асоси чопи ҳуруф рӯи коғази махсус бо нуқоти барҷаста аст, ки бо ламс ва даст задан қобили хондан аст.
Аз соли 2012, мадрасаи писаронаи ҳифзи Қуръони Карими дар минтақаи кӯчуке дар Истамбул ба чопи нусхаҳое аз Қуръон бо алифбои Брайл пардохта ва дар ихтиёри донишомӯзони нобинои хориҷ аз Туркия қарор додааст.
Алӣ Думон муаллими ҳифзи Қуръон дар мадраса, ки аз бадви таваллуд нобино будааст гуфт: маркази таҳияи Қуръон ба хатти Брайл хадамоти бисёр хубе ба донишомӯзони нобино, ки ба думболи ҳифзи Қуръон ҳастанд ироа мекунад. Вай тавзеҳ дод, ки замоне, ки дар соли 2010 ҳифзи Қуръони Каримро оғоз кард, дастрасӣ ба чунин давраҳое, ки омӯзиши Қуръони Каримро бо алифбои Брайл ироа медиҳанд бисёр душвор буд.
Алӣ Думон идома дод, ки бо ифтитоҳи маркази чоп дар соли 2012, Қуръон ба хатти Брайл дар дастраси ҳамагон қарор гирифт. Вай бо баёни инки то ба имрӯз ҳудуди ҳазор нусха аз Қуръон ба хатти Брайл таҳия шудааст гуфт илова бар ин, чопи бахшҳое аз Қуръон, кутуби таҷвид, сураҳои мунтахаб ва дигар китобҳо аз фаъолиятҳои ин мадраса будааст.
Вай идома дод, ки ин марказ ҳамчунон ба чопи нусхаҳои Қуръони Карим ва таҳвили он ба нобиноёни ниёзманд дар дохил ва хориҷ аз Туркия идома медиҳад.
Алӣ Думон хотирнишон кард: иртиботи онҳо бо ҳофизони фориғуттаҳсили мадраса идома дорад ва аз тариқи риёсати умури динии Туркия дар ҳар куҷои маҳалли корашон нусхаҳое аз Қуръон чоп шуда ба хатти Брайл барои онҳо ирсол мешавад.
Вай бо баёни ин ки ин марказ акнун 8 донишомӯзи ҳофизи Қуръон дорад хотирнишон кард: қироати Қуръон бо алифбои Брайл дар ҳудуди 1,5 моҳ ба донишомӯзони нобино омӯзиш дода мешавад.
Алӣ Думон хотирнишон кард: аксари донишомӯзони ин марказ дар мақтаъи мутавассита таҳсил мекунанд ва ин марказ дорои бахши омӯзиши забони арабӣ ва омӯзиши улуми исломӣ аст. Вай гуфт: бархе аз донишомӯзон дар соири донишкадаҳои донишгоҳҳои Туркия таҳсил карданд ва сипас дар риёсати умури мазҳабӣ ва соири ниҳодҳо истихдом шуданд.
Ӯ тавзеҳ дод, ки онҳо нусхаҳое аз нашриёти худро соли гузашта ба хориҷ фиристоданд ва ӯ бисёр хушҳол аст ва ин эҳсос бо калимот қобили тавсиф нест. Вай хотирнишон кард: нусхаҳои Қуръони чоп шуда ба хатти Брайл шомили 900 сафҳа ва 6 бахш аст, ки ҳар бахш шомили 5 ҷузъ аз Қуръон аст.
