Натоиҷи мусобиқоти байналмилалии Қуръони Миср имшаб эълом мешавад
Ба гузориши vetogate, ин мусобиқот, ки аз рӯзи шанбе, ба ҳиммати вазорати Авқофи Миср оғоз шудааст, имшаб, бо баргузории маросими ихтитомия ва эъломи натоиҷи пас аз намози мағриб дар масҷид ва маркази фарҳангии Миср дар пойтахти идории ҷадиди ин кишвар поён меёбад.
Ин маросим бо назорати Абдулфаттоҳ Ал-Сисӣ, раисҷумҳури Миср ва бо ҳузури Асома Ал-Азҳарӣ, вазири Авқофи ин кишвар ва гурӯҳе аз уламо, мубаллиғон ва шахсиятҳои барҷастаи дохилӣ ва байналмилалӣ баргузор хоҳад шуд ва тайи он бартаринҳои риштаҳои мухталифи мусобиқот таҷлил мешаванд.
Сию якумин мусобиқоти байналмилалии Қуръони Миср аз нахустин рӯзи баргузорӣ токунун бо барномаҳои мухталифе ҳамроҳ будааст ва дирӯз, нишасти фарҳангӣ бо мавзӯъи сираи Набавӣ дар ҳошияи ин рақобатҳо баргузор шуд.
Аъзои кумитаи доварии рақобатҳо ва уламои мисрӣ дар ин нишаст ҳузур ёфтанд ва Аҳмад Набавӣ, устоди ҳадиси донишгоҳи Ал-Азҳар тайи суханоне изҳор кард зиндагии Паёмбар (с), мисоли айнии амал ба Қуръон будааст ва он ҳазрат тамоми умри худро вақфи Қуръон кард.
Вай афзуд: Қуръони Карим бо омӯзаҳои волои наҳуфта дар оёт, нуқтаи оғози тамаддуни исломӣ будааст, мо бояд авқоти худро бо Қуръон музайян кунем ва зиндагимон саросар қуръонӣ бошад ва Қуръонро тиловат карда ва тафсири оёташро мавриди таваҷҷуҳ қарор диҳем.
Ахбори расида ҳамчунин ҳокӣ аст, аъзои кумитаи доварии сию якумин мусобиқоти байналмилалии Қуръони Миср аз намоишгоҳи китоби Шӯрои олии умури исломии Миср дар ҳошияи рақобатҳо боздид карданд ва бо маншуроти ин Шӯро дар заминаҳои фиқҳ, тафсир, ҳадис ва дигар риштаҳои улуми исломӣ ошно шуданд.
Доварони мусобиқот тайи боздид аз намоишгоҳ бо маҷмӯаи савтӣ мунташираи Шӯрои олии умури исломии Миср бо абзорҳои фановарии ҷадид ва қадимӣ ошно шуданд ва интишори ин маҷмӯаи савтиро ба унвони гоме барои нашри фарҳанг ва маорифи исломӣ, сутуданд.
