Доварии марҳилаи муқаддамотии мусобиқаоти байналмилалии Қуръон дар Эрон оғоз шуд.
Ба гузориши ИКНА, доварии марҳилаи муқаддамотии чилу якумин давраи мусобиқоти байналмилалии Қуръони Ҷумҳурии Исломии Эрон аз субҳи имрӯз, 25-уми озар, оғоз шуда, то 29-уми ҳамин моҳ идома меёбад. Ҳамчунин, доварии бахши бонувон рӯзи сешанбеи 26-уми озар оғоз мешавад.
Ин марҳилаи мусобиқот ба таври ғайриҳузурӣ ва бо ҳузури ҳайати доварон дар Созмони авқоф ва умури хайрия баргузор мегардад.
Мусобиқот дар бахши мардон дар риштаҳои қироати таҳқиқ, қироати тартиб ва ҳифзи кулли Қуръони Карим ва дар бахши бонувон дар ду риштаи қироати тартибӣ ва ҳифзи кулли Қуръони Карим баргузор мешаванд. Иштирокчиёни барҷастаи ин марҳила ба марҳилаи ниҳоӣ, ки ба таври ҳузурӣ дар Машҳад баргузор мегардад, роҳ меёбанд.
Дар марҳилаи муқаддамотии чилу якумин давраи мусобиқоти байналмилалии Қуръони Ҷумҳурии Исломии Эрон дар маҷмӯъ 350 иштирокчӣ аз 102 кишвар ҳузур доранд. Ин афрод дар панҷ ришта ва ду гурӯҳ - бонувон ва мардон - бо якдигар рақобат мекунанд, ки аз онҳо 88 қори, 129 ҳофиз ва 54 мураттил дар бахши мардон ва 40 ҳофиз ва 34 мураттил дар бахши бонувон мебошанд.
Марҳилаи ниҳоии чилу якумин давраи мусобиқоти байналмилалии Қуръони Ҷумҳурии Исломии Эрон, ҳамзамон бо солрӯзи мабъаси Паёмбари Акрам (с) аз 8-ум то 13-уми баҳман дар шаҳри муқаддаси Машҳад баргузор мегардад.
Намояндагони кишвари мо дар ин мусобиқот дар бахши мардон Сайид Муҳаммад Ҳусейнипур дар риштаи қироати таҳқиқ, Муҳаммад Хокпур дар риштаи ҳифзи кулли Қуръон ва Муҷтабо Қадбигӣ дар риштаи қироати тартиб мебошанд. Дар бахши бонувон ҳам Фотима Дилбарӣ ва Ғазола Соҳилизода дар риштаҳои ҳифзи кулли Қуръон ва қироати тартибӣ намояндагӣ мекунанд.
https://iqna.ir/fa/news/4254338
