Муҷтаҳиди зан дар бархе мавзӯот метавонад дақиқтар аз мардон амал кунад
Ҳуҷҷатул-ислом Алиризо Баҳромӣ, мудири дафтари ҳамкориҳои илмӣ ва умури байналмилалии Муассисаи Дорулҳадис, дар гуфтугӯ бо хабарнигори ИКНА ба муносибати Рӯзи зан ва солрӯзи мавлуди хуҷастаи Ҳазрати Фотимаи Заҳро (с) дар бораи таъкиди раҳбари муаззами инқилоби Эрон бар масъалаи марҷаъияти занони муҷтаҳида дар мавзӯоти марбут ба занон гуфт: “Яке аз масъалаҳои муҳим дар фиқҳ шинохти мавзӯъ аст; мавзӯот аз доираи аҳком ҷудо ҳастанд ва мо бояд мавзӯъро ташхис диҳем, то битавонем ҳукми онро баён кунем. Як силсила масъалаҳои хосси занон аст ва табиатан муҷтаҳиди зан дар бархе аз мавзӯот ва ташхиси онҳо метавонад дақиқтар аз мардон амал кунад, бинобар ин, раҳбари муаззами инқилоби Эрон бар ин нукта таъкид карданд.”
Мудири Дафтари ҳамкориҳои илмӣ ва умури байналмилалии Муассисаи Дорулҳадис таъкид кард: “Паёмбари Худо (с) фармуданд: Худованд қалби духтарам Фотимаро ва тамоми вуҷуди ӯро аз имон пур кардааст, бинобар ин, ӯ ба ҳамин сабаб ҳамвора дар итоати Худост.”
Вай афзуд: “Мо гоҳе фикр мекунем, ки занон ҷойгоҳи илмӣ ва маърифатии пасттаре нисбат ба мардон доранд ва агар бихоҳанд ҳам, наметавонанд ба ҷойгоҳи волои инсонӣ ва илоҳӣ бирасанд, аммо чунин нест. Раҳбари муаззами инқилоби Эрон низ даҳ унсурро дар мавриди маншури нигоҳи Ислом ба зан баён карданд ва таъкид намуданд, ки банди ин маншур қобили афзоиш ҳам ҳаст. Ишон бар баробарӣ миёни ҳуқуқи зан ва мард таъкид карданд ва ин ки ин баробарӣ ба маънои шабоҳат нест.”
Баҳромӣ изҳор дошт: “Зан ва мард дар ҳуқуқ ва ҷойгоҳи илмӣ ва маърифатӣ баробар ҳастанд, аммо шабеҳ нестанд. Насси динӣ ба мо мегӯяд, ки зан ва мард дар амал метавонанд ба ҷойгоҳи болои маърифатӣ, яқин ва имон бирасанд. Ҳазрати Фотимаи Заҳро (с) як намунаи барҷастаи амалӣ дар ин роҳ аст.”
