Боздиди умрагузорони 14 кишвари аврупоӣ аз Маҷмаи чопи Қуръони Мадина
Ба гузориши ИҚНА, ба нақл аз рӯзномаи "Ақоз", ин умрагузорон, ки дуюмин гурӯҳи меҳмонони барномаи вижаи умра ва зиёрати Хотами Ҳаромайн дар соли 1446 ҳиҷрӣ буданд, рӯзи шанбе, 1 декабр, аз Маҷмаи чопи Қуръони Малик Фаҳд дар Мадина боздид намуданд.
Ин барнома дар чорчӯби ташаббуси фарҳангии Вазорати умури исломии Арабистони Саудӣ барои зиёраткунандагони умра ҳангоми иқомати онҳо дар Мадина баргузор шуд.
Ин умрагузорон, ки 250 зан ва мард аз 14 кишвари қораи Аврупо буданд, аз бахшҳои гуногуни Маҷмаи чопи Қуръони Малик Фаҳд боздид карданд. Онҳо бо мароҳили чопи Қуръон, воситаҳои муосири чоп ва раванди баррасии каломи ваҳй ошно шуданд.
Масъулони Маҷма инчунин талошҳои анҷомшуда дар самти таваҷҷуҳ ба Қуръон ва тарҷумаи он ба забонҳои гуногун, инчунин тарзи такмил ва бозбинии ниҳоии матни Қуръон барои чопро ба умрагузорон шарҳ доданд.
Дар поёни барнома, масъулони Маҷмаи чопи Қуръони Малик Фаҳд нусхаҳое аз Қуръонҳои чопшудаи ин марказро ба умрагузорони аврупоӣ ҳадя карданд.
