Арҷгузории ҳазор ҳофизи Қуръон дар Бағдод бо ҳузури нахуствазир
Ба гузориши ИКНА, ин маросим рӯзи гузашта, 8-уми декабр, бо ҳузури Муҳаммад Шияъ Ас-Судонӣ, нахуствазири Ироқ баргузор гардид. Муҳаммад Шияъ Ас-Судонӣ дар суханони худ ба хотимаи ҳифзи Қуръон ва хатми таҳсили ҳофизон табрик гуфт.
Муҳаммад Шияъ Ас-Сӯдонӣ дар ин маросим, ки бо унвони «Ҳофизи Раббонӣ» баргузор шуд, изҳор дошт: «қориён ва ҳофизони Қуръон ҷойгоҳи хоссе дар ҳукумати Ироқ доранд. Ин кишвар барои фароҳам кардани тамоми имконот, ки ба онҳо дар роҳи Қуръон кӯмак кунад ва боиси муваффақият ва эҷодиёти онҳо дар зиндагии илмӣ ва амалӣ гардад, саъй мекунад».
Ӯ афзуд: «Ироқ дар улуми Қуръон ва маъориф ҷойгоҳи аввалро дорад ва ҳамчунон, бо вуҷуди чолишҳо, дар иҷрои нақшҳо ба манзури хидмат ба Қуръон устувор аст».
Нахуствазири Ироқ таъкид кард: «Таҷрибаи 20 соли гузашта нишонгари таъсири Қуръон дар миёни мардуми Ироқ буда, ва ироқиён бо тамассук ба Қуръон тавонистанд бо талошҳо барои тафриқаандозӣ муқобила кунанд».
Ӯ дар поён хостори ҷойгир шудани Қуръон ҳамчун манбаи ваҳдат ва иззат дар рӯёрӯӣ бо чолишҳо шуд ва бар аҳамияти тамассук ба Қуръон дар шароити кунунии минтақа таъкид кард.
https://iqna.ir/fa/news/4256767
