Тасвиби қатъномае дар Созмони Милал алайҳи беэҳтиромӣ ба кутуби муқаддас
Маҷмаъи умумии Созмони Милали Муттаҳид қатъномаеро тасвиб кард, ки хушунат алайҳи кутуби муқаддасро ба унвони нақзи қавонини байналмилалӣ маҳкум мекунад.
Ба гузориши (ИКНА) ба нақл аз вебгоҳи Мавозин Ниюз, маҷмаъи умумии Созмони Милали Муттаҳид дирӯз се шанбе қатъномаеро дар маҳкумияти хушунати мубтанӣ бар мазҳаб ва тавҳин ба намодҳои мазҳабӣ ва кутуби муқаддас тасвиб кард.
Маҷмаъи умумии Созмони Милал дар баёниае эълом кард, ки ин қатънома ба иттифоқи оро барои тарвиҷи гуфтугӯ байни адён ва фарҳангҳо ва муқобила бо суханони нафратангез тасвиб шудааст.
Ҳатки ҳурмати Қуръони Карим, ки дар ҳафтаҳои ахир дар кишварҳои Шветсия ва Дания чандин мартаба рух додааст, вокунишҳои густурдаеро дар сатҳи байналмилал дарпай доштааст. Зимни инки кишварҳои исломӣ ҳам зимни маҳкум кардани ин иқдом, аз судури муҷаввиз барои анҷоми чунин тавҳинҳое, ки ба баҳонаи озодии баён анҷом мешавад, интиқод карданд.
