Кӯдаки 9-солаи ҳиндӣ: Нусхабардори Қуръони карим
Тавре ки хабаргузории IQNA бо истинод ба аш-Шарқ менависад, Муҳаммад Мадлоҷ писарбачаи 9-сола аз иёлати Керала-и Ҳиндустон, дар як иқдоми ҷолибу нодир, ки нишон медиҳад чӣ қадар бо Қуръон иртиботи амиқ дорад ва аз хурдӣ қобилияти эҷодӣ дорад, тавонист бо заҳмати пайваста ва бодиққат, як нусхаи комили Қуръонро бо хатти худаш нусхабардорӣ кунад.
Ӯ ин корро моҳи декабри соли 2022 оғоз кард, вақте ки ҳамагӣ 6 сол дошт. Илҳомашро аз як озмуни маҳаллӣ барои кӯдакони то 7-сола гирифт.
Ҳар рӯз як соатро ҷудо мекард, то бо қалами оддӣ (карандаш) дар коғази андозаи A4 Қуръонро нусха бардорад. Қоидаҳои хаттотии арабиро риоя мекард ва аломатгузории дурусти арабиро ҳам меомӯхт.
Хонаводааш барои ӯ муҳити муносиб фароҳам карданд ва корашро пайваста назорат мекарданд. Модараш дастнависҳои ӯро мутолиа ва ислоҳ мекард. Ниҳоят, рӯзи 26-уми майи соли 2025, ин тарҳи нодир ба анҷом расид.
Барои он ки матни нусхабардоришуда сад дар сад бо Қуръони аслӣ мувофиқат кунад, онро даҳҳо ҳофизи мард ва зан санҷиданд. Қисмҳои Қуръон дар давоми ду моҳ чандин маротиба баррасӣ шуданд, то ягон хато намонад ва мутобиқати он бо матни маъмули Қуръон тасдиқ шавад.
4293725
