Баргузории озмуни тартилии кӯдакон дар Карбало + Аксҳо

Озмуни тартилии Қуръонӣ бо номи «Ал-Кавсар», махсуси кӯдакон, бо ташаббуси Маҷмаи илмии Қуръони Остонаи Аббосӣ дар шаҳри Карбало баргузор гардид.

Ба гузориши ИҚНО ба нақл аз Ал-Кафил, ин озмун бахшида ба кӯдаконе буд, ки дар барномаи «Кӯдакони мо — Қориёни мо» иштирок мекарданд ва дар минтақаи Ҳиндӣи Карбало баргузор шуд.

Маркази Қуръонии шохаи Ҳиндӣ, ки ба Маҷмаи илмии Қуръони Остонаи Аббосӣ тааллуқ дорад, ин озмунро дар ҳамкорӣ бо мақбараи ҳазрати Сайид Муҳаммад ибни Ҳамза (а) барои сеюмин сол пай дар пай баргузор намуд.

Дар озмун 18 нафар кӯдак ва Қуръономӯз ширкат карданд ва қори Мустафо Раҳим аввалин нафаре буд, ки қироат кард ва расман озмунро оғоз бахшид.

Сипас Карим Ҳиндавӣ, яке аз қориҳои машҳур ва намояндаи мақбараи Сайид Муҳаммад ибни Ҳамза, суханронӣ намуда, кӯдаконро ба иштирок дар барномаҳои Қуръонӣ ташвиқ кард.

Дар анҷом, 6 нафар беҳтарин ширкаткунанда ҳамчун ғолиб эътироф шуданд ва ҳамаи иштирокчиён ва ғолибон бо ҷоизаҳо қадрдонӣ гардиданд.