Оғози марҳилаи ибтидоии ҳафтумин озмуни байналмилалии Қуръони донишҷӯёни мусалмон
Ба гузориши ИҚНО, марҳилаи ибтидоии бахши ҳифзи кулли Қуръони карим аз имрӯз, 29-уми тирмоҳ, ба таври маҷозӣ дар студияи "Мубин"-и Созмони Қуръонии донишгоҳҳои кишвар оғоз шудааст ва то рӯзи аввалини мурдодмоҳ идома мекунад.
Дар рӯзи аввали баргузории озмун, чанд нафар аз ширкаткунандагон тавассути видеопайвасти зинда ҳифзи Қуръонашонро пешкаш мекунанд. Ин марҳилаи озмун бо доварии Муътаз Оқоӣ баргузор мешавад.
Бино ба иттилои котиботи ҳафтумин даври озмуни байналмилалии Қуръони донишҷӯёни мусалмон, дар марҳилаи ибтидоии бахши ҳифзи кулл, ҷамъан 47 ширкаткунанда аз кишварҳои мухталиф ҳузур доранд.
Ҳамчунин, имтиҳони интихоби намояндагони кишвари мо дар ду бахши қироати таҳқиқ ва ҳифзи кулли Қуръони карим, барои ширкат дар ин озмун, ҳафтаи оянда ба шакли пахши видеоҳои тиловати иштирокчиён барои гурӯҳи доварӣ баргузор хоҳад шуд.
4295239
