Нусхаҳои хаттии қадимаи Қуръон мавзӯи рисолаи илмии донишҷӯи марокашӣ

Маркази қироат ва таҳқиқоти Қуръонии Малик Муҳаммади Шашум дар шаҳри Работ (Марокаш), мизбони аввалин дифои рисолаи илмии магистрӣ ба забони англисӣ буд, ки бо мавзӯи нусхаҳои хаттии қадимаи Қуръон аз сӯи донишҷӯ Мусъаб Шарқовӣ навишта шудааст.

Ба гузориши Иқно ба нақл аз «Ал-Умқ ал-Мағрибӣ», аъзои кумитаи илмӣ дар канали YouTube-и Вазорати авқоф ва умури исломии Марокаш гуфтаанд, ки ин рисола натиҷаи таваҷҷуҳи махсуси Маркази қироат ва таҳқиқоти Қуръонии Малик Муҳаммад Шашум ба таҳқиқоти Қуръонӣ бо забонҳои хориҷӣ мебошад.

Унвони расмии рисола чунин буд:
«Нусхаҳои хаттии ибтидоии Қуръон: аз нигоҳи нусхашиносӣ ва қадимашиносӣ».

Дар ин таҳқиқ, муҳаққиқ чор нусхаи қадимаи Қуръонро мавриди омӯзиш ва таҳлил қарор дода, ба ҷузъиёти физикӣ ва хаттии онҳо  аз қабили навъи қоғаз, ранг, пуст, хатти арабӣ ва усулҳои навишт  пардохтааст.

Дар рисола, намунаҳое аз нусхаҳои бисёр арзишманд ва таърихӣ мавриди таҳлил қарор гирифтанд, аз ҷумла:

Нусхаи Бирмингем, ки яке аз қадимтарин Қуръонҳои дастрасшуда то имрӯз аст,

Нусхаи тиллоӣ,

Нусхаи Маринӣ ва чанд намунаи дигари муҳим.

Ин таҳлилҳо барои фаҳмидани таҳаввули навишти Қуръон дар давраҳои мухталиф, заминаи илмӣ фароҳам кардаанд.

Кумитаи таҳқиқотӣ ин рисоларо натиҷаи таваҷҷуҳи муассиса ба густариши таҳқиқоти Қуръонӣ ба забонҳои ҷаҳонӣ дониста, таъкид кард, ки чунин корҳо дари таҳқиқоти байналмилалӣ-ро ба рӯйи донишҷӯён мекушоянд ва ба ислоҳи боварҳои нодурусти марбут ба Ислом ва мусалмонон дар сатҳи ҷаҳонӣ кумак мекунанд.

Мусъаб Шарқовӣ, муҳаққиқи ин таҳқиқ, бо изҳори хушҳолӣ гуфт, ки ифтихор мекунад, ки аввалин донишҷӯи ин марказ аст, ки рисолаи илмии худро ба забони англисӣ дифоъ кардааст. Ӯ умедвор аст, ки ин иқдом илҳомбахш ва рӯҳбаландкунанда барои дигар донишҷӯён шавад, то ҳам таҳсили илмии худро идома диҳанд ва ҳам забонҳои хориҷиро рушд диҳанд.

Ӯ ҳамчунин аз раҳбарияти марказ ва тамоми устодон барои дастгирӣ ва роҳнамоӣ ташаккур кард.

4296315