Тавтиаи ДИИШ барои ҳадаф қарор додани зоирони Арбаини Ҳусайнӣ хунсо шуд
Ба гузориши ИҚНА ба нақл аз Агентии расмии Ироқ (ВАА), Насиф Ал-Хаттабӣ, шаҳрдорӣ Карбало дар нишасти хабарӣ эълон кард, ки гурӯҳи иттилоотии «Суқур» дар вилояти Карбало бо назорати мустақими додгоҳи тафтишотии Карбало амалиёти иттилоотиро бо сатҳи баландтарин махфият ва дақиқӣ анҷом дод.
Вай афзуд: Дар натиҷаи ин амалиёт 22 террорист дастгир шуданд, ки ният доштанд амалҳои ҷинояткорона, аз ҷумла гузоштани бомбаҳои назди роҳ дар масири зиёраткунандагони Арбаин, ҳадаф қарор додани нерӯҳои амниятӣ ва маъракаҳои ҳусайнӣ ва инчунин кӯшиши заҳролудсозӣ дар маҳалҳои ҷамъомади зиёраткунандагон, махсусан дар минтақаи ҷанубии вилоятро иҷро кунанд.
Насиф Ал-Хаттабӣ гуфт: Дар миёни амалиётҳои хунсо шуда як ҳадаф қарор додани яке аз ҳусайнияҳои воқеъ дар масири Карбалои Муалло ба тарафи Наҷаф низ вуҷуд дошт, ки ин нақша бо ҳамкории ниҳодҳои додгоҳӣ ва амниятӣ хунсо шуд.
Шаҳдорӣ Карбало таъкид кард, ки айбдоршудагон ҳуҷҷат ва далелҳое доштанд, ки ниёзи террористии онҳоро исбот мекунад ва онҳо дар назди додгоҳ узвияти худ дар гурӯҳи террористии ДАИШ-ро эътироф кардаанд.
Вай таъкид кард, ки баъзе аз айбдоршудагон бо тарафҳои хориҷӣ дар алоқа буданд, аз ҷумла шахсе, ки бевосита бо режими саҳюнистӣ ва пуштибони терроризм тамос дошт.
Шаҳдорӣ Карбало дар поён, бо қадрдонӣ аз нақши додгоҳи тафтишоти Карбало ва гурӯҳи иттилоотии «Суқур» дар нобудсозии нақшаи террористӣ, эълон кард, ки талошҳои амниятӣ барои ҳимоят аз зиёраткунандагон ва фароҳам овардани фазои амн дар чорабиниҳои динии пешорӯ идома доранд.
