Сами Юсуф қисми даромади консерти Истанбулро ба Ғазза бахшид

Сами Юсуф, овозхони маъруфи ҷаҳони Ислом ва ҳунарманди байналмилалӣ, баъди иҷрои сурудҳои альбоми наваш дар консерти Истанбул, эълон кард, ки қисме аз даромади ин барнома барои кӯмак ба мардуми Ғазза ихтисос дода мешавад.

Ба гузориши Иқно ба нақл аз хабаргузории Анадолу, шоми гузашта Сами Юсуф бо суруди машҳури «Насимӣ» дар фестивал-парки Йениқапӣ дар Истанбул баромад кард ва бо ҳамин консерташро оғоз бахшид. Ӯ аввалин бор дар ҳамин барнома альбоми нав-и худро ба тамошобинон муаррифӣ кард ва сурудҳои онро зинда иҷро намуд.

Чанд рӯз пеш Сами Юсуф дар як видеое, ки дар саҳифаҳои иҷтимоии худ нашр карда буд, ба мухлисонаш гуфт, ки нахустан бор аст, ки альбоми навро дар Истанбул пешкаш мекунад.

Ин ҳунарманди маъруф ҳамчунин таъкид кард, ки қисме аз фоидаи молии консерти Истанбул барои дастгирии мардуми Фаластин дар Ғазза ҷудо хоҳад шуд.

Сами Юсуф дар шаҳри Табрези Эрон ба дунё омада, асли турки озарӣ дорад. Дар сини се солагӣ бо хонаводааш ба Лондон кӯчид ва таҳсилро дар ҳамон ҷо идома дод. Ӯ инчунин дар навохтани пианино ва камонча маҳорати баланд дорад.

Сами Юсуф — як ҳунарманди бритониёӣ бо асли эронӣ аст, ки беш аз 10 сол аст дар соҳаи мусиқии исломӣ ва маънавӣ фаъолият мекунад. Аввалин альбоми маъруфи ӯ бо номи «Ал-Муаллим» дар соли 2003 ба бозор баромад. Аз ҷумлаи машҳуртарин альбомҳояш метавон ном бурд:

Ҳасбийа Раббӣ

Ё Расулаллоҳ, ё Муҳаммад

Уммати ман

Ҳар куҷо бошӣ

Салом

Марказ

Сурудҳои роҳ

Баракат

Ин овозхони маъруфи байналмилалӣ ва аз ҷонибдорони муқовимат ва мардуми мазлуми Ғазза, пас аз ҷанги 12-рӯза низ ба таври ошкоро зидди режими саҳюнистӣ садо баланд кард ва аз мардуми Эрон низ дифоъ намуд.

Ӯ борҳо дар суханрониҳо ва барномаҳои худ аз мардуми Фаластин ва Эрон дар муқобили таҷовузи Исроил ҳимоят кардааст.

4301919