Шайхи ал-Азҳар: ормони Фаластин инкорнопазир аст

Шайхи ал-Азҳар таъкид кард, ки ормони Фаластин ғайриқобили инкор аст ва масъалаи Фаластин ба ҷое расидааст, ки ҳеҷ кас дигар чорае ҷуз истодан дар баробари ин ҷиноятҳо ё ҳамдастӣ дар ин фоҷиаҳои инсонӣ надорад.

Ба гузориши ИҚНО ба нақл аз «ал-Ҷазира», Шайхи ал-Азҳар изҳор дошт, ки қазияи Фаластин ба нуқтаи бисёр хатарноки зулм ва таҷовуз расидааст ва ин вазъият аз ҳамаи арзишҳои тамаддунӣ, динӣ, инсонӣ ва ахлоқӣ гузаштааст.

Аҳмад ат-Тайиб, Шайхи ал-Азҳар, дар дидори худ бо «Агустинo Бализзӣ», сафири Италия дар Қоҳира, ин вазъиятро «наслкушӣ» тавсиф кард, ки тавассути артиши муҷаҳҳаз алайҳи мардуме бедифоъ дар ҳоли анҷом аст ва дар ҷараёни он хуни кӯдакон ва ғайринизомиён рехта мешавад.

Ӯ таъкид кард, ки дар ин замина ду назар вуҷуд надорад: ё бояд зидди ин ҷиноятҳо истод, ё дар онҳо шарик буд.

Вай бо изҳори таассуфи амиқ аз шаҳодати ҳазорон фаластинӣ ишора кард, ки «режими ишғолгар ва ҳомиёнаш» беш аз ҳама дигарон зиён дидаанд, зеро афкори умумии ҷаҳонӣ пас аз фош шудани «таблиғоти дурӯғин» тағйир ёфтааст ва мардум дар кишварҳои ғарбӣ дар тазоҳурот ин кушторҳоро маҳкум карданд.

Шайхи ал-Азҳар афзуд: мардумони Ғарб ба кӯчаҳо баромаданд, то ҷиноятҳои Ғаззаро маҳкум кунанд ва ишғолгарро давлате тавсиф намуданд, ки фоҷиабортарин ҷиноятҳоро алайҳи башарият анҷом додааст. Аз ин рӯ, пуштибонии мардумӣ пас аз ошкор шудани чеҳраи воқеии ишғолгар аз байн рафт.

Шайхи ал-Азҳар ҳамчунин ба таври вижа аз коргарони бандарҳои Италия, ки аз боргирии силоҳ ба сӯи Исроил худдорӣ карданд, қадрдонӣ намуда, мавқеи онҳоро «инсонияти бузург» номид, ки бозгӯкунандаи виҷдони миллати Италия аст.

Ат-Тайиб бори дигар таъкид кард, ки ба ин бовар аст, ки ормони Фаластин ғайриқобили инкор мебошад ва афзуд: вазъият ба ҷое расидааст, ки ҳеҷ кас дигар роҳе ҷуз истодан дар муқобили ин ҷиноятҳо ё ҳамдастӣ дар ин фоҷиаҳои инсонӣ надорад.

4324537