Ҳимояти додгоҳи Фаронса аз манъи пӯшиши исломӣ дар мактаб

Қонуни ҷанҷолии манъи пӯшиши исломӣ дар мактабҳову муассисаҳои таълимии Фаронса, дар Шӯрои давлатии ин кишвар тасвиб шуд.

Ба гузориши ИКНО, тасмими ҷанҷолии давлати Фаронса дар бораи манъи пӯшиши исломӣ дар мактабҳову муассисаҳои омӯзишии ин кишвар, дар Шӯрои давлатии Фаронса ба унвони болотарин додгоҳи идории ин кишвар тасвиб шуд.

Шӯрои давлатии Фаронсаи имрӯз аз тасмими манъи пӯшидани абои исломӣ дар мактабҳо ҳимоят ва дархости анҷумани “Иқдом барои ҳуқуқи мусалмонон” (ADM)-ро барои бекор кардани ин тасмим рад кард.

Дар баёнияи матбуотии мунташир шуда аз сӯи ин шӯро омадааст: пӯшидани або нишондиҳандаи ҷиҳатгирии мазҳабӣ аст ва бино бар ин, манъи пӯшиши он, таҷовузи ҷиддӣ ва ғайриқонӯнӣ ба ҳаққи эҳтиром ба зиндагии хусусӣ, озодии ибодату ҳаққи ибодат нест ва омӯзиш мутобиқ бо маслиҳати кӯдак ҳамхонӣ дорад.

Ин дар ҳолеаст, ки анҷумани “Иқдом барои ҳуқуқи мусалмонон” (ADM) дархости фаврӣ ба Шӯрои давлатӣ ба унвони болотарин додгоҳи идории Фаронса барои шикоят аз мақомоти давлатӣ ироа карда буд то ҳукме алайҳи манъи истифода аз абои занона ва либоси баланди мардона содир кунад.

Давлати Фаронса пеш аз ин эълом карда буд, ки пӯшидани або қавонини марбут ба секуларизм дар таълимро нақз мекунад ва барномаеро барои манъи пӯшидани он иҷро хоҳад кард.

4167498