Баргузории маросими иваз кардани парчами Ҳарами Имом Алӣ (а) + акс
Ба гузориши ИҚНО, ҳамзамон бо наздик шудани сездаҳуми Раҷаб — солгарди таваллуди бо саодати Мавлои муттақиён, ҳазрати Амирулмуъминин Алӣ (а) — ходимони Остонаи муқаддаси Алавӣ дар Наҷафи Ашраф бо иваз намудани парчами ҳарам, симои тозае аз омодагии ин макони муқаддасро барои баргузории ойинҳои бошукӯҳи ин муносибати фархунда ба намоиш гузоштанд.
Иваз кардани парчами ҳарами муттаҳари Алавӣ аз ҷумла суннатҳои маънавии ин остонаи муқаддас дар остонаи муносибатҳои бузурги мазҳабӣ ба шумор меравад, ки ҳар сол бо ҳузури ходимони ҳарам анҷом мешавад ва рамзе аз таъзими шаоири илоҳӣ ва эълони оғози айёми суруру шодии Аҳли байт (а) маҳсуб мегардад.
Дар рӯзҳои наздик ба таваллуди ҳазрати Алӣ (а), саҳнҳо ва равоқҳои ҳарами Алавӣ бо насби парчамҳо, катибаҳо ва ороиши вижа, фазои маънавӣ ва вилоятиву хос ба худ гирифтаанд ва Наҷафи Ашраф мизбони анбӯҳи бузурги зоирон аст, ки аз нуқтаҳои гуногуни Ироқ ва дигар кишварҳои исломӣ барои табрик ва изҳори иродат ба маҳзари нахустин Имом аз имомони шиа ба ин шаҳри муқаддас мушарраф мешаванд.
4325553
