Густариш ва тақвияти ҳалқаҳои ҳифзи Қуръон дар Масҷидулҳаром ва Масҷидуннабӣ
Абдурраҳмон Ас-Судайс, тавлияти кулли Масҷидулҳаром ва Масҷидуннабӣ бар густариш ва тақвияти ҳалқаҳои ҳифзи Қуръон дар Масҷидулҳаром ба манзури хидматрсонии қуръонӣ ба зоирони байтуллоҳилҳаром ба вижа афроди дорои ниёзҳои хос таъкид кард.
Абдурраҳмон Ас-Судайс, дар дидор бо масъулон ва асотиди ҳалқаҳои ҳифзи Қуръони Карим бар аҳамияти густариши доираи омӯзиш дар ҳалқаҳои қуръонӣ, тақвияти ҳалқаҳои маҷозии Қуръон ва омӯзиши тиловат ва тасҳеҳи қироати мусулмонон дар саросари ҷаҳон таъкид кард.
Вай бо тавсифи ҳалқаҳо ва маҳофили Қуръонии барпошуда дар Масҷидулҳаром ва Масҷидуннабӣ ба унвони марворидҳое, ки ҳарамайни шарифайнро зинат бахшидаанд, тасреҳ кард: ифтихори хидмат ба Қуръон дар ин маҳофил ва ҳалқаҳо фаротар аз васф аст ва ин ҳалқаҳо ҷойгоҳи муҳимме дар ғанитар сохтани таҷрибаи динии зоирон доранд.
Ас-Судайс, хоҳони навоварӣ дар омӯзиш, тавсеаи доманаи фаъолияти омӯзиш ва баргузории коргоҳҳои омӯзишӣ ва таҷлил аз муаллимон ва ҳофизони баргузида шуд. Ба гуфтаи вай ин ҳалқаҳо бояд рӯҳи рақобати созандаро тақвият ва паёми ахлоқи Қуръониро дар саросари ҷаҳон мунташир созад.
Тавлияти кулли Масҷидулҳаром ва Масҷидуннабӣ дар поён бар аҳамияти фаъолияти мустамар ва шабонарӯзӣ дар маҳофили Қуръонии Масҷидулҳаром ва бо ҳадафи хидмат ба Қуръон ва аҳли он, хадамотрасонӣ ба зоирон ва тарвиҷи арзишҳои қуръонӣ таъкид кард.
