Нигаронии масеҳиёни Фаластин аз такрори ҳамлаҳои саҳюнистҳо
Бино ба гузориши икно ба нақл аз Анодулӣ, масеҳиёни фаластинӣ нигаронии худро аз шиддат гирифтани ҳамлаҳои режими саҳюнистӣ дар Каронаи Бохтарии ишғолӣ, аз ҷумла Қудс, баён карданд. Ин дар ҳоле аст, ки озору азиятҳои пайваста нисбат ба масеҳиёни фаластинӣ ва ҳамлаҳои ҷисмонӣ ба онҳо рӯ ба афзоиш аст.
Онҳо дар гуфтугӯ бо хабаргузории Анодулӣ ҳушдор доданд, ки ин ҳамлаҳо бахше аз талоши густурдатар барои маҳдуд кардани ҳузури масеҳиён дар шаҳр аст; илова бар ин, маҳдудиятҳое низ бар ҳаракат ва дастрасӣ ба ҷойҳои мазҳабӣ таҳмил мешавад.
Солҳои ахир афзоиши қобили таваҷҷуҳи ҳамлаҳои исроилиён алайҳи чеҳраҳои мазҳабии масеҳӣ ва исломӣ ва ҳамчунин ҷойҳои муқаддаси масеҳӣ ва мусалмонӣ дар Каронаи Бохтарӣ, аз ҷумла Қудс, мушоҳида шудааст.
Калисоҳои Қудс борҳо аз мақомоти исроилӣ хостаанд, ки барои қатъи ҳамлаҳо чораҳои қотеъ андешанд, аммо то кунун натиҷае надодааст.
Рӯзи шанбе, устондории Қудс видеое нашр кард, ки нишон медод як муҳоҷими саҳюнист дар назди даромадгоҳи як калисои арманӣ дар шаҳри қадим туф мекунад.
Ин муҳоҷим ба ҳамин иктифо накард ва ин видео нишон медиҳад, ки ӯ дар назди дурбини амниятӣ, ки амалашро сабт мекард, ҳаракатҳои ношоиста анҷом дод.
Ин ҳодиса дар ҳоле сабт шудааст, ки Бен-Гвир, вазири амнияти дохилии режими саҳюнистӣ, дар октябри 2023 иддао карда буд, ки туф кардан ба масеҳиён як расми қадимии яҳудӣ аст ва наметавон онро ҷинояти қобили боздошт донист.
Калисоҳо ва созмонҳои ҳуқуқи башар он замон изҳороти Бен-Гвирро чароғи сабз барои тундравони исроилӣ дар идомаи ҳамлаҳояшон арзёбӣ карданд.
Шаҳри ишғолии Қудс шоҳиди шиддат гирифтани ин падида аз ҷониби муҳоҷимони ифротӣ алайҳи рӯҳониён ва калисоҳои масеҳист; амале, ки бар тафсирҳо ва аҳкоми ифротии Таврот такя дорад ва ба дигар динҳо беэҳтиромӣ мекунад.
4350632
