Поёни дувумин нишасти байналмилалии қуръонӣ дар донишгоҳи Ал-Қосимия, Шарҷа
Бар асоси ин гузориш, фаъолиятҳои дувумин нишасти байналмилалии Қуръони донишҷӯёни донишкадаҳои Қуръони Карим бо унвони "Арзишҳои инсонӣ дар Қуръони Карим: асл ва нузул" дар донишкадаи Қуръони Карими донишгоҳи Ал-Қосимияи Имороти Шарҷа баргузор шуд. Дар ин нишаст илова бар ҳайати умано ва руасои донишгоҳи Ал-Қосимия, гурӯҳе аз пажӯҳишгарон ва донишҷӯёни донишкадаҳои қуръонӣ аз кишварҳои мухталифи ҷаҳони ислом низ ҳузур доштанд.
Фаъолитҳои ин нишаст бо семинари илмӣ бо унвони "Нақши ниҳодҳо дар Имороти Шарҷа дар таҳкими арзишҳои инсонӣ" оғоз шуд, ки дар он намояндагони теъдоде аз муассисоти пешрави муртабит бо Қуръони Карим, умури иҷтимоӣ ва хонавода ҳузур доштанд. Ин нишаст ҳамчунин шоҳиди намоишгоҳи ҳамроҳии бисёре аз ниҳодаи муртабит дар заминаи Қуръони Карим ва нашри фарҳанги исломӣ буд.
Илова бар ин чандин нишасти илмии ҷонибӣ дар заминаи арзишҳои иҷтимоӣ ва ахлоқӣ дар Қуръони Карим, ки шомили ироа 12 мақолаи илмӣ тавассути пажӯҳишгарони донишкадаҳои Қуръони Карим аз нуқоти мухталифи ҷаҳон бо ҳадафи иртиқои дониш ва табодули пажӯҳиш байни мутахассисон ва донишҷӯён низ баргузор шуд.
Дар баёнияи поёнии ин нишаст бар аҳамияти иртибот ва баргузории ҷаласот байни донишкадаҳои Қуръони Карим дар донишгоҳҳои мухталифи арабӣ ва исломӣ ва лузуми ташкили банки иттилоотии муштарак байни донишкадаҳои Қуръони Карим бо ҳадафи афзоиши ҳамкорӣ ва таҳқиқоти илмӣ таъкид шуд.
Дар ҳошияи нишасти "Арзишҳои инсонӣ дар Қуръони Карим: асл ва нузул", чандин тафоҳумнома байни донишкадаи Қуръони Карими донишгоҳи Ал-Қосимия, донишкадаи Қуръони Карим ва улуми Қуръонии донишгоҳи Ал-Азҳар ва бунёди дорулқуръони Индонезия низ ба имзо расид.
