Намоиши ҳунарҳои Қуръонии Эрон дар Санкт-Петербург
Ба гузориши равобити умумии Созмони фарҳанг ва иртибототи исломӣ, намоишгоҳи «ҳунарҳои эронӣ бо таъкид бар оёти каломуллоҳи маҷид» ба ҳиммати ройзании фарҳангии Ҷумҳурии Исломии Эрон ва мусоидати вазорати фарҳанги Русия ба муддати ду моҳ аз 13 сентиябр то 21 ноябр дар музаи таърихи адёни Санкт-Петербург барпо шудааст.
Дар ин намоишгоҳ, беш аз 70 асари ҳунарии муртабит бо Қуръони Карим аз ҷумла фарши Қуръонии дурӯ асари Ҳунармандони донишгоҳи ҳунари исломии Табрез ба намоиш даромад.
Осори ҳунарии ироашуда дар ин намоишгоҳ тайи беш аз ду моҳ садҳо боздидкуннда музаро бо ҳунари асилии исломӣ ва корбурди мафоҳим ва оёти қуръонӣ дар халқи онҳо ошно сохт ва ба гуфтаи мудири муза бисёр мавриди таваҷҷуҳи мухотабон ва расонаҳои Русия қарор гирифт.
Маросими ифтитоҳияи ин намоишгоҳ бо ҳузури Яфим Резвон, шарқшинос ва исломшиноси барҷаста ва раиси музаи фарҳанг ва тамаддуни исломии Санкт-Петербург, Екатерина Триокова, сарпарасти музаи таърихии адёни Русия, Масъуд Аҳмадванд, ройзани фарҳангии сафорати Ҷумҳурии Исломии Эрон, соири масъулони муза дар ҷамъи алоқамандон ба фарҳанг ва тамаддуни Эрони исломӣ баргузор шуд.
Дар идома, паёме аз муовини байналмилалии шаҳрдории Санкт-Петербург перомуни аҳамияти тавсеаи равобити фарҳангӣ ҳунарии Эрон ва Русия ва баргузории ин рӯйдод бавижа дар пойтахти фарҳангии ин кишвар, ки мухотабонро беш аз пеш бо фарҳанги ғании Эрони исломӣ ошно хоҳад кард, қироат шуд.
Музаи давлатии таърихи адён дар системи академияи улуми иттиҳоди ҷамоҳири Шӯравӣ, фаъолияти расмии худро аз 1932 оғоз кард. Ин муза дорои беш аз дивист ҳазор асари намоишгоҳист, ки қадимитарини онҳо ба ҳазораи шашуми қабл аз мелод, ба Миср бозмегардад. Дар ин муза метавон баноҳои таърихӣ ва фарҳангии кишварҳо ва аъсори мухталиф - аз Мисри бостон ва қуруни вустои аврупоӣ то даврони модернро мушоҳида кард. Дар миёни бахшҳои мухталифи муза низ шавоҳиде вуҷуд доранд, ки аз эътиқодоти асари бостонӣ ва суннатӣ, адёни ҷаҳони бостон аз ширк ба Худо то яҳудият, зуҳури масеҳият, таърихи ортодокси русӣ, католикӣ, протестант то адён ва оинҳои марбут ба шарқ ҳикоят мекунанд. Имрӯза ин муза яке аз муассисоти фарҳангӣ дар ҷаҳон, ба вижа танҳо муассиса дар Русия аст, ки таърихи пайдоиш ва тавсеаи ҳамаи эътиқодоти ҷаҳонро ҳифз мекунад.
