Вокунишҳо ба тасвиби қонуни мамнуъияти беҳурматӣ ба Қуръон дар Дания
Иқдоми рӯзи гузаштаи парлумони Дания дар тасвиби қонуни мамнуъияти тавҳин ба китобҳои муқаддас, бо вокунишҳое ҳамроҳ шуд.
Вазорати умури хориҷаи давлати ваҳдати миллии Либия аз қонуни ҷадиди Дания дар мамнуъияти бархурди номуносиб бо мутуни диние, ки шомили сӯзондани нусхаҳои Қуръони Карим дар анзори умумӣ аст, истиқбол кард.
Истиқболи сафорати Русия дар Дания
Аз сӯи дигар сафорати Русия дар Копенгаген рӯзи панҷшанбе бо истиқбол аз ин қонун эълом кард, ки ҳарчанд қонуни тасвибшуда дар Дания як мавзӯъи дохилии ин кишвар аст, аммо иқдомоти қонунӣ барои маҳдуд кардани суханони нафратангез алайҳи адён лозим аст.
Ҳамчунин нахуствазири собиқи Шветсия аз давлати ин кишвар хост аз Дания улгубардорӣ кунад ва сӯзондани Қуръонро мамнуъ кунад.
Ҳатки ҳурмати мукаррар ба соҳати муқаддаси Қуръони Карим ва муқаддасоти исломӣ дар Дания ва чанд кишвари аврупоӣ дигар дар моҳҳои ахир хашми мусулмонон ва кишварҳои исломиро барангехт.
Парлумони 179 узви Дания лоиҳаи манъи «рафтори номуносиб бо мутуни дорои аҳамияти динии муҳим барои ҷавомеъи дини»-ро бо 94 раъйи мувофиқ дар муқобили 77 раъйи мухолиф ба тасвиб расонд.
