Livan şəxsiyyətlərinin İranla birlikdə ABD hökmranlığına qarşı birliyi

İQNA – Daxili, dini və siyasi şəxsiyyətlərin və qüvvələrin dəvəti ilə cümə günü Beyrutda iştirakçıların İran və onun ABD hökmranlığını rədd etmə mövqeyi ilə həmrəyliyini nümayiş etdirmək məqsədilə mərasim keçirildi.

“İQNA”, “Əl-Aləm”ə istinadən xəbər verir ki, İslam Respublikası ilə həmrəylik və Vaşinqton və Mossad kəşfiyyat təşkilatlarının media platformaları tərəfindən həyata keçirilən Tehrana qarşı bütün qarayaxma kampaniyalarını pisləmək məqsədilə cümə günü Beyrutda mərasim keçirilib.

Beyrutdakı mərasimdə Livandakı çoxsaylı siyasi, dini və media qrupları iştirak ediblər.

Mərasimdə vurğulanıb ki, Tel-Əviv, Mossad tərəfindən muzdla işə götürülmüş qruplar vasitəsilə süni qarışıqlığa investisiya qoymaq məqsədilə Tehran əleyhinə genişmiqyaslı mənfi media təbliğatı yayır.

Mərasimin iştirakçıları həmçinin əlavə ediblər ki, İranın qarşılaşdığı şey, bu ölkənin müstəmləkəçilik layihələrinə qarşı möhkəm durması və ABD nüfuzunu və xalqın hüquqlarının müsadirə edilməsini rədd etməsi səbəbindəndir.

Livan siyasi qrupları xalqa qarşı hazırlanmış bütün sui-qəsdlərlə üzləşən İran xalqını dəstəkləməyi bir daha təkrar etdilər.

Hal-hazırda, Birləşmiş Millətlər Təşkilatının İnsan Hüquqları Şurası 23 yanvar cümə günü təcili iclas keçirərək İrana qarşı qətnamə qəbul edib və onu 25 lehinə, 14 bitərəf və 7 əleyhinə səslə təsdiqləyərək İranda etirazçıların şiddətli şəkildə basdırıldığını iddia edib.

Bununla əlaqədar olaraq, İslam Respublikasının Birləşmiş Millətlər Təşkilatının Cenevrə ofisindəki daimi nümayəndəliyi, bir bəyanat yayaraq, Birləşmiş Millətlər Təşkilatının İnsan Hüquqları Şurasının İranıın haqqında qətnaməsini siyasi və etibarsız adlandırıb.

4329990