Tsatsauran Ra'ayi Yakan Yi Tasiri A Tattalin Arziki Da Al'adu

Bangaren kasa da kasa, tsatsauran ra'ayin addini da ake yadawa tsakanin musulmi tare da aikata ayyuka na ta'addanci da sunan muslunci yana da mummunan tasirin da yake bari a kan tatalin arzikin kasashen musulumi da kuma al'adunsu.

Kamfanin dillancin labaran Iqna ya habarta cewa, ya nakalto daga shafin sadarwa na yanar gizo cewa, babban malamin addinin muslunci kasar Masar Sheikh Shauqi Allam ya bayyana cewar, irin tsatsauran ra'ayin addini da ake yadawa tsakanin musulmi tare da aikata ayyuka na ta'addanci da sunan muslunci yana da mummunan tasiri a kan tatalin arzikin musulumi da al'adu kai tsaye.

Babban malamin addinin muslunci mai bayar da fatawa a kasar ta Masar Sheikh Shauqi Al-allam ya bayyana cewa kungiyar da ake kira Daular Musulunci a Iraki da Sham gungu ne na 'yan ta'adda tantagarya.
A cikin wani bayani da ofishin da ke a cibiyar Darul Ifta a birnin Alkahira ya fitar a jiya Talata, Sheikh Al-allam ya ce 'yan ta'addan kungiyar ISIS bai halasta ba a shar'ance a danganta su da addinin musulunci, domin dukkanin abin da suke yin a ta'addanci da sunan jihadi a cikin kasashen Syria da Iraki ya yi hannun riga da addinin muslunci da kuma koyarwar sunna irin ta manzon Allah.
Shehin malamin ya yi Allawadai da rusa kabrukan annabawa da salihan bayi gami da masallatai da majami'oi da 'yan kungiyar ta ISIS suke yi yanzu ahak a cikin kasashen Syria da Iraki, tare da muzantawa da kuma cin zarafin marassa rinjaye da suka mamaye yankunansu, musamman kiristoci da kuma Izidawa da kuma sauran bangarori na musulmi sunna da shi'a.
1442206