Sallar Idi A Hubbaren Imam Ali (AS) A Birnin Najaf Ashraf
Bangaren kasa da kasa, an gudanar da sallar idin layya a yau a hubbaren Imam Ali (AS) da ke birnin Najaf a kasar Iraki.
Kamfanin dillancin labaran iqna ya
bayar da rahoton cewa, sallar idin ta samu halartar dubban masoya shugaban
muminai, wadda ta zo daidai da ranar yau bisa fatawar wasu malaman kasar, wanda
sheikh Abdulkarim Khaqani ya jagoranci sallar.
A cikin hudubar sallar idin an yi addu’a ga wadanda suka yi shahada daga cikin sojojin kasar da kuma dakarun sa kai, da kuma yin addu’a ga wadanda suka samu raunuka daga cikinsu, kamar yadda mai hudubar ya jinjina muus a kan nasarar da aka samu a kan ‘yan ta’adda.
Bisa fatawar da Ayatollah Sayyid Ali Sistani ya bayar,a yau ne ranar idin babban salla a kaar Iraki, wanda kuma wasu daga cikin malaman kasar sun tafi a kan hakan, yayin da kuma wasu suka sanar da jiya a matsayin ranar idin babban salla.
