Jadda Baia Ga Amirul Muminin Ali (AS) A Ranar Ghadir

Bangaren kasa da kasa, ya ne aka gudanar da tarukan idin Ghadir a kasar Iraki inda dubban masoya ahlul bait (AS) suka taru a hubbaren Imam (AS) da ke Najaf.

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Alghadir cewa, tun daga daren jiya aka fara gudanar da tarukan Ghadir a hubbaren Imam Ali (AS) har zuwa yau.

Wannan taro ya samu halartar dubban daruruwan jama’a daga dukkanin sassa na kasar Iraki, wadanda suka ziyarci Imam Ali (AS) a hubbarensa tare da raya wadannan taruka masu albarka da aka gudanar.

Haka na kuma an gudanar da wasu tarukan makamantan wannan a sassa daban-daban na kasar ta Iraki, musamman a hubbarorin limaman iyalan gidan manzon Allah (SWA) da kuma masallatai gami da husainiyoyi da cibiyoyin addini.

Baya ga haka kuma an gabatar da jawabai a dukkanin wuraren gudanar da wadannan taruka masu albarka, dangane da wannan rana da kuma matsayinta acikin addinin muslunci, ranar da Allah madaukakin sarki ya cika addininsa.

A dukkanin wuraren da aka gudanar da wadannan taruka musamman a birnin Najaf da kuma wasu hubbarorin limaman iyalan gidan manzon Allah masu tsarki da suke a wasu birane na kasar ta Iraki.

3640021