Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na Al-Sharrouq cewa, jami’ar Vahran ta gudanar da bikin karrama daliban haddar kur’ani mafi girma a tarihin jami’o’in kasar Aljeriya.
Lardin Vahran ya sanar ta shafinsa na Facebook cewa gwamnan wannan lardi ya baiwa daliban haddar kur'ani 168 tafiya aikin umrah.
An gudanar da wannan biki ne a jami'ar Vahran 1 Ahmad Ben Bella, kuma shi ne bikin karrama ma'abuta haddar kur'ani mafi girma a tarihin jami'o'in kasar Aljeriya.
Makarantar koyon aikin likitanci ta jami'ar Vahran ta kasance ta fi yawan mahardatan kur'ani da 60, kuma sauran 100 na haddar sun kasance na kwalejojin Pharmacy, Humanities da Dentistry, bi da bi.
Nan ba da dadewa ba za a tura wadannan dalibai zuwa ziyarar Umrah da aka bayar.