Гиромидошти рӯзи миллии Ҷумҳурии Исломии Эрон дар Арабистон
Ба гузориши ИКНА аз Арабистон, маросими шукӯҳманди рӯзи миллӣ ва ҷашни 45 солагии Инқилоби Исломии Эрон бо ҳузури муовини амири минтақаи Риёз, муовини ташрифоти вазири хориҷаи Арабистони Саудӣ, мудирон ва мақомоти вазорати хориҷа, тане чанд аз мақомоти низомии маҳал, ҷамъе аз мақомоти давлатӣ, фарҳангӣ ва расонаии Эрон ва Арабистон, суфаро ва дипломатҳои муқими Арабистон ва намояндагони Созмонҳои минтақаӣ дар «Кохи Фарҳанг» минтақаи «Ҳаюс-Сафороти» шаҳри Риёз баргузор шуд.
Дар ин маросим, Алирзо Иноятӣ, сафири кишвари Эрон ба тарсими чорчуби сиёсатҳои минтақаӣ Эрон пардохт ва изофа кард: кишварҳои минтақа метавонанд бо ташкили як маҷмаи гуфтугӯи минтақаӣ бинои кори баландмудатро дар минтақа пайрезӣ кунанд.
Иноятӣ бо ишора ба муносиботи Эрон ва Арабистон тайи 6 моҳи гузашта таъкид кард, ки ин равобит бо суръат ва диққат ба пеш меравад ва Ҷумҳурии Исломии Эрон дар эҷоди бинои ҳамкории мустаҳкам бо подшоҳи Арабистон ҷиддӣ аст.
Сафири Эрон дар идома бо маҳкумияти иқдомоти таҷовузкоронаи режими палид ва ҷинояткори саҳюнистӣ, бар лузуми масъулиятпазирии ҷомеаи ҷаҳонӣ дар мувоҷиҳа бо наслкушии фаластиниён таъкид кард.
Ин аввалин барномаи рӯзи миллии кишвари Эрон дар Риёз баъд аз саргирии равобити ду кишвар аст.
