Намоиши Қуръонҳои нодир дар нахустин намоишгоҳи Ал-Эҳсо+ филм ва акс
Ба гузориши хабаргузории Воси Арабистон, Сауд ибни Тилол ибни Бандар, устондори Ал-Эҳсо нахустин намоишгоҳи нусахи хаттӣ ва асноди таърихии устони Ал-Эҳсоро ифтитоҳ кард.
Ин намоишгоҳ ҳовии теъдоди зиёде нусхаи хаттӣ ва асноди мухталифи таърихи исломӣ аст, ки аз сӯи 30 марказ гирдоварӣ шуда ва маҷмӯае аз нусхаҳои хаттии нодир дар заминаи тафсир, ҳадис, фиқҳ, тиб, нуҷум ва таърихро дар бармегирад.
Нусхаҳои Қуръони ба намоиш даромада дар ин намоишгоҳ мусҳафҳои мактуб бо оби тило ва навишта шуда бар рӯи баргҳои нахлистон ва бо ҷилдҳои фохир ҳастанд, ки ба манзури ҳифзи Қуръон назди аҳолии Ал-Эҳсо нигошта ва ба шеваи қобили таҳсин нигаҳдорӣ шудаанд.
Қадимитарин санади таърихии Ал-Эҳсо мутааллиқ ба таърихи масҷиди Фатоҳи ин устон аст, ки ба тули чаҳор метр дар соли 962 ҳ.қ навишта шудааст. Нусхаи таърихии дигаре мутааллиқ ба 500 сол қабл дар бораи зироати биринҷ дар Ал-Эҳсо низ аз ҷумла осори ба намоиш даромада дар ин намоишгоҳ аст.
Сами ибни Саъд, раиси анҷумани таърихи Арабистон дар боздид аз ин намоишгоҳ тайи суханоне гуфт: устони Ал-Эҳсо аз таърихи асилӣ бархурдор аст ва мушорикати ин анҷуман дар барпоӣ чунин рӯйдодҳое дар ростои хидмат ба ҳифзи мероси таърихӣ ва ҳувияти миллии кишвар анҷом мешавад.
Дар ҳошияи ин намоишгоҳи бархе нусхаҳои хаттӣ ва асноди таърихии Ал-Эҳсо аз тариқи видео ба боздидкунндагон муаррифӣ мешавад.
