Беш аз 5600 довталаб аз 105 кишвар барои ширкат дар мусобиқаҳои Қуръонии Дубай сабтином карданд

Сардори Идораи умури исломӣ ва корҳои хайрияи шаҳри Дубай эълом кард, ки то поёни муҳлати сабтином барои Давраи 28-уми Ҷоизаи байналмилалии Қуръони Карим дар Дубай, 5618 нафар аз 105 кишвари ҷаҳон худро барои ширкат дар ин мусобиқа сабт кардаанд.

Ба гузориши ИКНО, ба нақл аз сомонаи хабарии «ал-Иморот ал-Яум», Аҳмад Дарвиш ал-Муҳайрӣ, мудири кулли Идораи умури исломӣ ва хайрия ва раиси Шӯрои боварии Ҷоизаи Қуръонии Дубай гуфт:

"Ин даври мусобиқа шоҳиди афзоиши чашмгир дар шумори ҳофизони довталаб будааст, ки барои ширкат дар он сабтином кардаанд."

Ба гуфтаи ӯ, 30 дарсади довталабон занон ҳастанд, ва ин нишон медиҳад, ки ширкати густардаи ҳофизони Қуръон — чи мард ва чи зан — ба муваффақияти барномаи рушди ин мусобиқа кумак кардааст.

Муҳайрӣ таъкид кард, ки ин ширкати бесобиқа нишондиҳандаи он аст, ки Дубай ба як маркази ҷаҳонӣ барои арҷгузорӣ ба хидматгузорон ва ҳофизони Қуръони Карим табдил ёфтааст.

Ӯ афзуд:

"Ин ширкати фарогир натиҷаи тағйироти калидист, ки дар ин давр ворид шудааст. Аз ҷумла:

Имкони ширкат барои занон дар бахши вижаи бонувон (барои бори аввал),

Имкони пешниҳоди мустақими шахсӣ (ғайр аз тавсия аз ҷониби кишвари худ ё маркази исломӣ),

Афзоиши арзиши ҷоизаҳо."

Муҳайрӣ гуфт, ки арзиши умумии ҷоизаҳо дар давраи нав беш аз 12 миллион дирҳам мебошад, ва баррандаи мақоми аввал дар ҳар ду бахш — мардон ва занон — як миллион доллар ба даст хоҳад овард.

Иброҳим Ҷосим ал-Мансурӣ, мудири муваққатии Ҷоизаи байналмилалии Қуръони Карими Дубай гуфт:

“Мо теъдоди зиёди дархостҳоро аз ҷомеаҳои мусалмонӣ дар кишварҳое мисли Амрико, Канада, Русия ва кишварҳои Аврупо ба монанди Бритониё, Олмон, Фаронса, Италия, Испания, Ҳолланд, Норвегия ва Шветсия дарёфт кардем.”

Инчунин довталабон аз бисёр кишварҳои Осиё, Африқо ва ҳатто Зеландияи Нав низ сабтином кардаанд.

4295864