Шаҳри адёнҳои Русия; аз хатми бефосилаи Қуръон дар масҷид то шамъи ҳамеша фурӯзони калисо

Дар даромадгоҳи Кремли Қазон лавҳаи бузурги сангине қарор дорад, ки бо ояти 36 сураи «Ёсин» оро ёфтааст: «قُلْ يُحْيِيهَا الَّذِي أَنْشَأَهَا أَوَّلَ مَرَّةٍ...: Бигӯ, Он касе ки онҳоро бори аввал офарид, зиндаашон хоҳад кард…». Манораҳо ва гумбазҳои масҷиди бузурги шаҳр аз дур намоёнанд ва дар ҳоле ки масеҳият нахустин дини расмии ин кишвар будааст, ҳамҷойии масҷид ва калисо рамзи сулҳ ва ҳамзистиро ба намоиш мегузорад.

Ба гузориши Икно, Русия кишваре паҳновар бо аҳолие иборат аз пайравони адёнҳои гуногун аст. Бо вуҷуди ин, ҳамаи онҳо тавонистаанд бо фарқиятҳои мазҳабӣ ва эътиқодӣ дар канори ҳам бо сулҳу оромӣ зиндагӣ кунанд. Масеҳият нахустин дини расмии ин кишвар аст ва ислом низ дар ҷойгоҳи баъдӣ пайравони зиёде дорад. Яке аз шаҳрҳои маъруфи Русия Қазон мебошад.

Пойгоҳи хабарии Шабакаи Алмайодин дар гузорише шаҳри Қазон дар Татаристони Русияро барои мухотабони худ тасвир карда ва онро «шаҳри адён» номидааст.

Ҳангоми ворид шудан ба шаҳри Қазон, аввалин чизе ки таваҷҷуҳи як гардишгарро ҷалб мекунад, лавҳаҳое мебошанд, ки ба ду забон русӣ ва татарӣ навишта шудаанд.

Ин шаҳр дорои кӯчаҳои поку фарох ва бинои азиму бошукӯҳе бо рангҳои сафеду кабуд аст, ки ба Кремли Қазон машҳур мебошад. Дар даромадгоҳи Кремли Қазон лавҳаи бузурги сангине қарор дорад, ки бар он чунин навишта шудааст:
«قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ؛ Бигӯ, Он касе ки онҳоро бори аввал офарид, зиндаашон хоҳад кард; ва Ӯ ба ҳар офаридае доност.»

Манораҳо ва гумбазҳои масҷиди бузурги шаҳр аз дур намоёнанд; нахустин чизе ки ҳангоми боздид аз ин масҷид ба гӯши боздидкунандагон мерасад, тиловати Қуръони Карим аст.
Масҷиди Кул Шариф беш аз 1500 намозгузорро ғунҷоиш медиҳад ва қолинҳои он туҳфаи Ҷумҳурии Исломии Эрон мебошанд. Ин масҷид ҳамчунин дорои осорхонаест, ки дар он бахше аз пардаи Каъба, нусхаҳое аз Қуръон ва осори таърихӣ ва миллию мазҳабии мардуми Русия нигаҳдорӣ мешаванд.

Бар асоси омори расмии соли 2010 мелодӣ, мусулмонон беш аз нисфи аҳолии Татаристонро ташкил медиҳанд ва тоторҳо дувумин гурӯҳи бузурги қавмӣ дар Русия ба шумор мераванд.

Калисое бо таърихи 500-сола

Чанд қадам он сӯйтар аз масҷид, гумбази Калисои ҷомеъи Башорат намоён аст. «Ин калисо шоҳиди панҷ қарни таҳаввулот аз инқилобҳо то ҷангҳо будааст.»

Дар ин шаҳр даҳҳо қавми гуногун зиндагӣ мекунанд ва масҷид ва калисо дар канори якдигар сохта шудаанд, бидуни он ки миёни пайравони адён даргирие ба вуҷуд ояд.

4333689