Гвардиола: Дастгирии «Ямал» аз Фаластин боиси ифтихор аст.

Пеп Гвардиола, сармураббии дастаи Манчестер Сити, дар посух ба интиқодҳо аз Ламин Ямал, ситораи ҷавони Барселона бинобар дастгирияш аз Фаластин, таъкид кард: футболбозон ҳақ доранд дар бораи масъалаҳои инсонӣ ва сиёсӣ изҳори назар кунанд; бояд ба мавқеи Ламин ифтихор кард.

Ба гузориши икно ба нақл аз Маркази иттилооти Фаластин, Гвардиола ба саволи рӯзноманигоре, ки пурсид оё бозигарон бояд аз ворид шудан ба мавзӯъҳои берун аз футбол худдорӣ кунанд, чунин ҷавоб дод: «Оё туҳам набояд дар масъалаҳое, ки ба ту марбут нест, дахолат накунӣ? Ту инҷо ҳастӣ, то танҳо дар бораи бозии Кристал Палас савол диҳӣ.»

Ӯ афзуд: «Аммо ҷавоб медиҳам… футболбозон барои миллионҳо нафар намунаанд ва овози онҳо таъсиргузор аст, бинобар ин ҳақ доранд ҳар вақт, ки лозим бошад, назарашонро баён кунанд.»

Ин мураббии испанӣ идома дод: «Агар оилаат зери харобаҳои хонаҳо онҷо мебуданд, оё боз ҳам ин ҷо меистодӣ ва дар бораи бозигаре, ки ба думболи тӯб медавид, суҳбат мекардӣ? Албатта не.»

Гвардиола таъкид кард: «Ту интихоб намекунӣ, ки мо дар бораи чӣ суҳбат кунем, ва мавқеи Ламин чизест, ки бояд ба он ифтихор кард; мавқее, ки ҳоло ба мавзӯи гуфтугӯи ҷаҳон табдил шудааст.»

4351988