Фарқи тиловати шайх Рафъат бо соири қориёни мисрӣ
Шайх Муҳаммад Маҳмуди Рафъат (1950 – 1882) аз қориёни барҷастаи мисрӣ аст. Ӯ лақаби “Амирал-Қурроъ”-ро дар ихтиёр дорад, чаро, ки сабки мутафовите аз дигар қориён доштааст.
Яке аз нукоти муҳимме, ки бояд мавриди таваҷҷуҳ қарор гирад, фарқи тиловатҳои шайх Муҳаммад Маҳмуд Рафъат (1950 – 1882) бо дигар қориён аст. Тафовути тиловати шайх Рафъат бо дигар асотиди мисрӣ дар навъи оҳангпардозии эшон аст. Гӯё соири қориён гӯиши маъмулӣ доранд, аммо устод Рафъат гӯиши шеърӣ дорад ва дар миёни ҳамаи касоне, ки ба сурати маъмулӣ ҳарф мезнанд, эшон шеър мехонд. То ин ҳад тиловатҳои шайх Рафъат низомманд ва системотик аст ва ин наҳв аз тиловат низ бисёр кор сахте аст. Ба ҳамин далел, тиловатҳои шайх Рафъат мондагор шудааст.
Тиловати шайх Рафъат дар айни содагии оҳангҳо, ба гунае аст, ки ҳар паёме, ки шумо фикр кунед, дар он ёфт мешавад ва ҳар навъ зебоӣ дар он дида мешавад. Ин таъсиргузории оҳанг дар айни содагӣ дар тиловатҳои шайх Рафъат бисёр аҳамият дорад.
Дар ибтидои ин иддао, ки «шайх Рафъат нобғаи қарн буда» шояд чандон малмус набошад ва шунаванда бипурсад, ки магар ин хондан чӣ чизе дорад? Аммо ҳарчи бо фазои тиловати қориёни мисрӣ ошно шавем ва бештар бишинавем, ба ин мавзӯъ наздиктар мешавем, ки шайх Рафъат нобиға аст ва шунидани бештари тиловатҳои эшон низ ин иддаоро таъйид мекунад.
Як мусиқидон дар бораи тиловатҳои шайх Рафъат мегӯяд тиловати эшон бисёр мутафовит аз соир тиловатҳост. Мисли ин аст, ки ин қорӣ аз пеш, нот навишта ва аз рӯи он мехонд ва дорои як теорияи хоссе аст, ки дар ҳама ҷои тиловатҳояшон дида мешавад.
Токунун касе натавониста аз назари зеҳнӣ монанди шайх Рафъат оҳанг бисозад; Яъне фақат мавзӯъи ҳанҷара ва навъи тиловати эшон нест, балки фикр ва зеҳнияти эшон матраҳ аст ва касе натавониста токунун дар чунин сатҳе бошад.
Баргирифта аз гуфтугӯи Аҳмад Абулқосимӣ, довар, мударрис ва қории байналмилалии Қуръони Карим аз кишвари Эрон.
