Азнавсозии масҷиди "Сайида Фотима (с)" дар шаҳри Блекберн бо сабки муосир
Ба гузориши ИҚНО ба нақл аз рӯзномаи Lancashire Telegraph, масҷиди ҷомеъи "Сайида Фотима Заҳро (с)", ки феълан дар як бинои кӯҳнаи собиқ майхона ҷойгир аст, иҷозатномаи расмии вайрон кардану сохтани бинои навро дарёфт кардааст.
Бо вуҷуди ин, баъд аз он ки баъзе аъзои шӯрои маҳаллии Шодсуорт ва Вайтберк, ва ҳамчунин як сокини маҳаллӣ нигарониҳое дар бораи афзоиши эҳтимолии проблемаҳои нақлиётӣ дар ин минтақа баён карданд, шӯрои масҷид розӣ шудааст, ки хароҷоти гузаргоҳи пиёдагардӣ дар кӯчаи Шодсуорт, ва васеъ кардани роҳрави кӯчаи Бенк Лейн дар наздикии масҷидро ба зимма гирад.
Шӯрои шаҳрии Блекберн ва Дарвен ин ду тадбирро якҷо бо 18 шарти дигар барои додани иҷозати сохтмон талаб кардааст. Яке аз ин шартҳо таъкид мекунад, ки дар дохили масҷид маросими никоҳ баргузор намешавад.
Дар гузориши расмии кумитаи сохтмон гуфта мешавад, ки ин тарҳ ба ҳамон маконе рабт дорад, ки қаблан масҷид буд, вале баъдтар ба маркази фарҳангӣ ва омӯзишии исломӣ табдил ёфта буд. Макони он дар буриши кӯчаҳои Бенк Лейн ва Шодсуорт Роуд воқеъ буда, дар яке аз нуқтаҳои намоёни шаҳр ҷойгир аст.
Тибқи тарҳи тасдиқшуда, бинои дуқабатаи феълӣ пурра вайрон шуда, ба ҷояш як масҷиди нав бо ду ошёна, бо меъмории исломӣ сохта мешавад. Дар ҷабҳаи ҷанубу шарқӣ, ки даромадгоҳи асосии бино ҳамонҷост, шишаҳои калони дуқабата ва сутунҳои зебои ороишӣ пешбинӣ шудаанд.
Илова бар ин, паркинги феълӣ васеъ ва азнавсозӣ мешавад, ва қисмҳое аз тарафи шимолӣ ва шарқии бино бо панелҳои нақшин ва пардозишуда зебу зиннат дода мешавад, то шакли бино ҳусни бадеӣ дошта бошад.
Мутахассисони шаҳрсозӣ гуфтаанд, ки тарҳи ин масҷид, ҳарчанд бо сохторҳои суннатии минтақа фарқ дорад, вале маҳз ҳамин фарқият нишон медиҳад, ки ин бино ҷойгоҳ ва аҳамияти вижа дар симои шаҳрии Блекберн хоҳад дошт.
Масҷид баъди он ки масъулон розӣ шуданд барои беҳбуди амният ва инфросохтори маҳаллӣ маблағ ҷудо кунанд, иҷозати вайрон кардани бинои кунунӣ ва сохтани ибодатгоҳи наву дуқабатаро ба даст овард.
Lancashire Telegraph гузориш додааст, ки бинои нав дар баробари унсурҳои меъмории исломии анъанавӣ — мисли панелҳои ороишӣ, сутунҳои барҷаста ва долони калони шишагӣ хоҳад дошт.
4309782
