Ба гузориши икно, ба нақл аз хабаргузории «Илхо», Юсуф дар барномаи ҳамбастагии «Корвони Фаластин», ки ҳаракати худро аз Босния оғоз карда буд, ширкат кард ва суханронии худро бо дуруд ва салом оғоз намуд. Вай ҳамчунин сипоси худро ба мардуми Туркия барои ҳимоят ва ҳамбастагии онҳо бо ормони Фаластин баён кард.

Вай изҳор дошт, ки ширкаткунандагони ин корвон барои таҳкими рӯҳияи бародарӣ ва ҳамбастагӣ гирди ҳам омадаанд ва бар зарурати қатъи наслкушӣ дар Ғазза ва поён додан ба ишғолгарӣ дар Каронаи Бохтарӣ таъкид мекунанд.

Пас аз суханронӣ, Юсуф такбир «Аллоҳу акбар» сар дод ва ҳозирин низ дар фазое саршор аз шавқу шодӣ онро такрор карданд. Ширкаткунандагон бо шавқу завқ мехостанд ба муносибати мусулмон шудани ӯ табрик гуфта, ҳимояти худро аз ӯ изҳор кунанд.

«Корвони байналмилалии виҷдони Фаластин», ки аз фаъолоне аз кишварҳои гуногун ташкил шудааст, пас аз анҷоми барномаҳои худ дар Туркия ҳамчунон фаъолияти худро бо ҳадафи эъломи ҳамбастагӣ бо мардуми Фаластин идома медиҳад.

Ин корвон, ки дар охири моҳи июл ҳаракати худро аз шаҳри Сребренитса дар Босния ва Ҳерсеговина оғоз кард, қасд дорад бо гузаштан аз ҳафт кишвар, дар тӯли 25 рӯз ба сӯи Каронаи Бохтарӣ ҳаракат кунад.

Ин ҳаракат бо ҳадафи эъломи ҳамбастагӣ бо миллати Фаластин баргузор шудааст.

4368409